Gujarati News

Gujarati News

News of Thursday, 13th September 2018

આણંદમાં નજીવી બાબતે રીસ રાખીને રીક્ષા ચાલક સહીત ત્રણને માર મારતા પોલીસ ફરિયાદ

આણંદ: શહેરના એકતા પરિવાર ઠાકોરજી નગર પાસે ગઈકાલે રાત્રીના સુમારે પાણીના છાંટા ઉડવાની બાબતેની રીસ રાખીને ચાર શખ્સોએ લાકડીઓથી રીક્ષાચાલક સહિત ત્રણને માર મારતાં આ અંગે આણંદ શહેર પોલીસે ગુનો દાખલ કરીને તપાસ હાથ ઘરી છે. 
પ્રાપ્ત વિગતો અનુસાર ફરિયાદી યોગેશભાઈ મફતભાઈ સરગરા ગત ૯મી તારીખના રોજ સાંજના સુમારે પોતાની રીક્ષા લઈને જઈ રહ્યો હતો ત્યારે પાણીના છાંટા ઉડવા બાબતે અમીતભાઈ વસાવા, અશોકભાઈ વસાવા, ગવાભાઈ તથા અજયભાઈ સાથે બોલાચાલી થઈ હતી જે અંગે સમાધાન પણ થઈ ગયું હતુ. પરંતુ ગઈકાલે રાત્રીના સુમારે યોગેશભાઈના ઘેર ચારેય જણા લાકડીઓ લઈને આવી ચઢ્યા હતા અને પાણીના છાંટા કેમ ઉડાડ્યા હતા તેમ જણાવીને ગાળો બોલી અમિતે પોતાની પાસેની લાકડી માથામાં મારી દેતાં લોહીલુહાણ થઈ જવા પામ્યો હતો. જ્યારે અશોકે જમણા હાથે લાકડીનો ફટકો મારી દીધો હતો. 
મંજુબેન તથા આશાબેન વચ્ચે છોડાવવા પડતાં તેઓને પણ ગડદાપાટુુનો માર માર્યો હતો. દરમ્યાન આસપાસના લોકો એકત્ર થઈ જતા ચારેય જણાએ આજે તો બચી ગયા છો, પરંતુ ફરીથી જીવતા નહીં મુકીએ તેવી ધમકીઓ આપી હતી.

 

(6:05 pm IST)
  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST