Gujarati News

 ગાંધીનગરઃ ગુજરાત સરકારના માહિતી ખાતા દ્વારા અખબારોને જાહેર ખબર ફાળવવા અંતર્ગત જાહેર ખબરની નીતિ સને ૨૦૦૬માં ઘડવામાં આવી હતી. જેને ૨૦૦૭માં થોડાઘણા સુધારા સાથે પુનર્ગઠિત કરવામાં આવી હતી. આ નીતિ અન્વયે જ તમામ અખબારોને જાહેર ખબરની ફાળવણી તથા જાહેરખબરની મંજૂરી આપવામાં આવે છે. આ વખતે માહિતી ખાતા દ્વારા વિજ્ઞાપનની પોલીસીની બહાર જઇને ઇન્કમટેક્ષ રીટર્ન અંગેની પોલીસી બહારની ક્ષતિ ઊભી કરવામાં આવી છે. જે અંતર્ગત આ પ્રક્રિયાનો વિરોધ કરવા સમગ્ર રાજયભરમાંથી અનેક અખબારોના તંત્રી-પ્રકાશકો મોટી સંખ્યામાં ગાંધીનગર સરકીટ હાઉસ ખાતે એકત્રિત થયા હતા. અહીં સૌ તંત્રી પ્રકાશમિત્રોએ એકત્રિત થઇને માહિતી નિયામકશ્રીની કચેરીએ જઇને નિયામકશ્રીને આ અંગે સરળીકરણ અને જાહેરખબરની નીતિ મુજબ જ ચાલવા અનુરોધ કરી તે મુજબ જ તમામ અખબારોની જાહેર ખબર રિન્યુઅલ કરવા રજુઆત કરી હતી. તે સમયની તસ્વીરો નજરે પડે છે.