Gujarati News

Gujarati News

News of Thursday, 13th September 2018

મકાનમાં આગની દુર્ઘટનામાં નુકસાની બદલ વળતર મળ્યું

શહેર ગ્રાહક તકરાર નિવારણે વળતર અપાવ્યું: મકાનના ઇન્ટીરીયરને ભારે નુકસાન થયું છે ત્યારે સર્વેયર ૫૦ ટકા ઘસારો કાપી શકે નહી : ફોરમ દ્વારા સ્પષ્ટ આદેશ

અમદાવાદ,તા. ૧૨: શહેરના આંબાવાડી વિસ્તારમાં રહેતા અને ગ્રાહક કોર્ટમાં પ્રેકટીસ કરતાં એક એડવોકેટના મકાનમાં લાગેલી આગની દુર્ઘટનામાં મકાનનો ગ્રુપ ઇન્શ્યોરન્સ હોવાછતાં નુકસાનીની પૂરી રકમ ચૂકવવામાંથી હાથ ઉંચા કરી દેનાર વીમાકંપની સામે ગ્રાહક સુરક્ષા અને પગલા સમિતિના પ્રમુખ મુકેશ પરીખ દ્વારા કરાયેલી ફરિયાદમાં અમદાવાદ શહેર(એડિશનલ) ગ્રાહક તકરાર નિવારણ ફોરમે ફરિયાદી વકીલને યોગ્ય વળતર અપાવતો મહત્વનો હુકમ કર્યો હતો. ફોરમના પ્રમુખ ડી.બી.નાયક અને સભ્ય શ્રીમતી કે.પી.મહેતાએ ઠરાવ્યું હતું કે, મકાનના ઇન્ટીરીયરને ભારે નુકસાન થયું છે, ત્યારે સર્વેયર ૫૦ ટકા ઘસારો કાપી શકે નહી. આ સંજોગોમાં ફરિયાદી વકીલને ફરિયાદ તા.૪-૧-૨૦૧૭થી વાર્ષિક આઠ ટકાના વ્યાજ સાથે રૂ.૨૩,૬૦૦નું વળતર ચૂકવી આપવા ધી ન્યુ ઇન્ડિયા ઇન્શ્યોરન્સ કંપનીને ફરમાન કર્યું હતું. આકસ્મિક આગ અનુ દુર્ઘટનાના કિસ્સાઓમાં જયારે વ્યકિત વીમાથી સુરક્ષિત હોય ત્યારે આવા કિસ્સાઓમાં ગ્રાહક ફોરમનો આ ચુકાદો ઘણો માર્ગદર્શક અને ઉપયોગી બની રહેશે. ફરિયાદી દિનેશભાઇ શાહ તરફથી ગ્રાહક સુરક્ષા અને પગલા સમિતિના પ્રમુખ મુકેશ પરીખે ગ્રાહક ફોરમમાં ફરિયાદ દાખલ કરી જણાવ્યું હતું કે, ગત તા.૫-૧૨-૨૦૧૬ના રોજ આંબાવાડી વિસ્તારમાં રહેતાં એડવોકેટ દિનેશભાઇ શાહના મકાનમાં શોટસર્કિટના કારણે આગ લાગી હતી. અચાનક ભારે આગ ફાટી નીકળતાં ફાયરબ્રિગેડને જાણ કરતાં જવાનોએ આવી આગ બુઝાવી દીધી હતી. આગમાં મકાનમાં ઇન્ટીરીયર અને અન્ય સરસામાનની થયેલી નુકસાની બદલ વીમાકંપની ધી ન્યુ ઇન્ડિયા ઇન્શ્યોરન્સ કંપની પાસે દાવાની માંગણી કરી હતી. કારણ કે, ફરિયાદીની ન્યુ ગિરધરપાર્ક સોસાયટીના તમામ મકાનો રૂ.૧૫ લાખના ગ્રુપ ઇન્શ્યોરન્સથી સુરક્ષિત અને આવરાયેલા હતા. વીમાકંપનીના સર્વેયરે ઘરની મુલાકાત લઇ નુકસાનીની આકારણી રૂ.૪૭,૨૦૦ કરી હતી, જેમાં જૂનો ફલેટ હોવાથી સર્વેયરે ૫૦ ટકા રકમ ઘસારા તરીકે કાપવા ભલામણ કરી હતી. જેથી વીમાકંપનીએ રૂ.૨૩,૬૦૦ જ દાવાની રકમમાં ચૂકવ્યા હતા. જેને પગલે ફરિયાદીને ગ્રાહક સુરક્ષા ફોરમના દરવાજા ખખડાવવાની ફરજ પડી હતી. ગ્રાહક સુરક્ષા અને પગલા સમિતિના પ્રમુખ મુકેશ પરીખે ફોરમનું ધ્યાન દોર્યું કે, મકાનનો વીમો રૂ.૧૫ લાખના ગ્રુપ ઇન્શ્યોરન્સ હેઠળ આવરાયેલો છે અને તેથી વીમાંકપની પૂરી રકમ ચૂકવવાનો ઇનકાર કરી શકે નહી. વાસ્તવમાં વીમાકંપની દાવાના પ્રોસેસમાં ખામી રાખી અનફેર ટ્રેડ પ્રેકટીસ આચરી રહી છે ત્યારે ફોરમે ફરિયાદી ગ્રાહકને ન્યાય અપાવતો હુકમ કરવો જોઇએ. આ દલીલો ગ્રાહ્ય રાખી ફોરમે ઉપરોકત હુકમ કર્યો હતો.

(9:22 am IST)
  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • બરવાળા તાલુકા ભાજપ પ્રમુખ સુરેશ ગઢીયાએ નાયબ મુખ્યમંત્રી નીતિનભાઈ પટેલને લખ્યો પત્ર:બરવાળા તાલુકામાં આવેલ કેનાલમાં પાણી છોડવા કરી માંગ:વેજલકા પાસે સફાઈનું કામ શરૂ હોવાથી વૈકલ્પિક રસ્તો કરી કેનાલમાં પાણી છોડવા કરી માંગ access_time 10:58 pm IST