Gujarati News

Gujarati News

News of Wednesday, 12th September 2018

ગાંધીનગરમાં સે-22માં સ્માર્ટ સીટી અંતર્ગત 100 કરોડનો પ્રોજેક્ટ હાથ ધરાવાની ચર્ચા

ગાંધીનગર:મહાનગરપાલિકા દ્વારા સ્માર્ટ સીટી અંતર્ગત કરોડો રૂપિયાના પ્રોજેકટ હાથ ધરવામાં આવ્યા છે ત્યારે સે-રરમાં પણ વર્લ્ડના આઠ શહેરોની થીમ ઉપર સીટી સ્કવેર બનાવવાનું આયોજન છે જેની પાછળ ૧૦૦ કરોડ રૂપિયાનો ખર્ચ થવાનો અંદાજ છે. હાલ ટીસીએસ દ્વારા ડીઝાઈન તૈયાર કરી દેવામાં આવી છે. આગામી સમયમાં ટેન્ડર પ્રક્રિયા કરી એજન્સી નિયત કરી કામગીરી શરૂ કરાશે. આ સ્કવેરમાં મોટી જાહેરસભાઓની સાથે વિવિધ આર્ટ ગેલેરીઓ પણ ઉભી કરી શકાશે. 

કેન્દ્ર સરકાર દ્વારા દેશના ૧૦૦ શહેરોમાં સ્માર્ટસીટી બનાવવાનું આયોજન છે જે અંતર્ગત ગાંધીનગરનો પણ ત્રીજા તબક્કામાં સમાવેશ કરી દેવામાં આવ્યો છે. ગાંધીનગર શહેરમાં રાજ્ય અને કેન્દ્ર સરકારના કુલ ૧૪૦૦ કરોડના ખર્ચે વિવિધ પ્રોજેકટ હાથ ધરાનાર છે જેમાં ર૪ કલાક પાણીની સુવિધા સાથે નાગરિકોને તમામ પ્રકારની સુવિધા મળી રહે તેવું આયોજન છે. શહેરમાં મોટા રંગમંચ, બગીચા, ખુલ્લા પ્લોટ સહિતની તમામ સુવિધાઓની સાથે ચ-૪થી ખ-૪ સુધી સૌથી મોટો બગીચો હોવા છતાં હવે સીટી સ્કવેર પાછળ૧૦૦ કરોડ રૂપિયાનું આંધણ કરવાનું વિચારવામાં આવી રહયુંછે. 

(4:51 pm IST)
  • અંબાજીમાં ભાદરવી પૂનમના મેળા માટે 120 એસટી બસ મુકાશે :5,50 કરોડની આવકનો અંદાજ :હાલનું કાયમી બસ સ્ટેન્ડ મેળા દરમિયાન અઠવાડિયું બંધ :પાંચ અન્ય સ્થળે હંગામી બસ સ્ટેન્ડ બનાવી નવ બુથ ઉપરથી એસ,ટી,બસ વિવિધ રૂટ પર દોડાવાશે:રાજ્ય એસ. ટી. નિગમ મા જનરલ મેનેજર નિખીલ બિરવેએ આપી માહીતી access_time 11:01 pm IST

  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST

  • સુરત :મિઝલ્સ-રુબેલા રસીકરણ કેમ્પેઇન:10 લાખ 82 હજાર 878 બાળકોને રસીકરણ કરાયું: રાજ્યમાં સૌથી વધુ બાળકોનું રસીકરણ સુરતમાં થયું :16 જુલાઈથી શરૂ થયું હતું કેમ્પેઇન: 9 માસથી 15 વર્ષના બાળકોનું રસીકરણ કરાયું access_time 11:02 pm IST