Gujarati News

Gujarati News

News of Wednesday, 12th September 2018

બોરસદમાં જાહેરમાં જુગાર રમતા 4 શખ્સોને પોલીસે રંગે હાથે દબોચ્યા

આણંદ: જિલ્લાના બોરસદ તાબે રબારી ચકલામાં જાહેરમાં જુગારધામ ધમધમી રહ્યા હોવાની બાતમી મળતા સ્થાનિક પોલીસે દરોડો પાડયો હતો.આ  દરોડા દરમ્યાન ચાર ઈસમો જુગાર રમતા રંગેહાથ ઝડપાયા હતા.

જ્યારે બીજા ત્રણથી ચાર ઈસમો સ્થળ પરથી ફરાર થવામાં સફળ થયા હતા. આ ઘટનામા ંઝડપાયેલ ઈસમો પાસેની અંગઝડતી અને દાવ પરથી મળી કુલ ૩,૯૦૦ની રકમ મુદ્દામાલ તરીકે કબ્જે લીધી હતી.જ્યારે બીજા ઈસમો સામે જુગારધારા મુજબ ગુનો નોંધી તપાસના ચક્રો ગતિમાન કર્યા હતા.

આ ઘટનામાં પોલીસ સુત્રોના જણાવ્યા મુજબ બોરસદ તાબે રબારી ચકલા પાસે જુગારધામ ધમધમી રહ્યું છે.જેથી આ સ્થળે મોડી રાતના સુમારે પોલીસે દરોડો પાડયો હતો. આ દરોડો પાડતા સ્થળ પરથી ચાર ઈસમો ઝડપાયા હતા.જ્યારે બીજા ઈસમો સ્થળ પરથી ફરાર થયા હતા. 

(4:50 pm IST)
  • ભચાઉ સબજેલમાંથી હિસ્ટ્રીશિટર આરોપી જેલમાંથી ફરાર:અનેક ગુનાઓમાં સંડોવાયેલ આરોપી રામજી કોળી જેલની દીવાલ કુદીને થયો ફરાર:કચ્છ ,બનાસકાંઠા ,પાટણ જિલ્લા માં નક્કાબંધી કરી હિસ્ટ્રીશિટર આરોપીને શોધવા પોલીસ તપાસ:આરોપીને શોધવા પોલીસે બનાવી પાંચ ટીમ access_time 11:02 pm IST

  • અંબાજીમાં ભાદરવી પૂનમના મેળા માટે 120 એસટી બસ મુકાશે :5,50 કરોડની આવકનો અંદાજ :હાલનું કાયમી બસ સ્ટેન્ડ મેળા દરમિયાન અઠવાડિયું બંધ :પાંચ અન્ય સ્થળે હંગામી બસ સ્ટેન્ડ બનાવી નવ બુથ ઉપરથી એસ,ટી,બસ વિવિધ રૂટ પર દોડાવાશે:રાજ્ય એસ. ટી. નિગમ મા જનરલ મેનેજર નિખીલ બિરવેએ આપી માહીતી access_time 11:01 pm IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST