Gujarati News

Gujarati News

News of Wednesday, 12th September 2018

ખેડા-ધોળકા રોડ નજીક અજાણ્યા વાહનની એક્ટિવા ચાલકનું મોત: બેને ગંભીર ઇજા

ખેડા:ખેડા-ધોળકા રોડ ઉપર ગઈકાલે રાત્રે રસિકપુરા નજીક અજાણ્યા વાહને એક્ટીવાને ટક્કર મારતાં પતિ-પત્ની અને દીકરીને ઈજા થઈ હતી. જે પૈકી ગંભીર રીતે ઘવાયેલ એક્ટીવા ચાલકનું ઘટનાસ્થળે જ મોત નિપજ્યું હતું. 

 


પોલીસ સૂત્રોમાંથી મળેલ વિગત મુજબ ખેડા તાલુકાના વારસંગમાં રહેતા અંકિતભાઈ જયદીપભાઈ વ્યાસ ગઈકાલે રાત્રે પત્ની ઉષાબેન તથા દીકરી શ્રેયાને એક્ટીવા નં. જીજે-૭-બબીએલ-૮૮૮૧ ઉપર બેસાડી અમદાવાદ જવા નીકળ્યા હતા. આ દરમિયાન રાત્રીના સાડા આઠ વાગ્યાના સુમારે ખેડા-ધોળકા રોડ પરથી પૂરઝડપે હંકારી અજાણ્યા વાહનચાલકે વારસંગ નજીકથી પસાર થતા એક્ટીવાને ટક્કર મારી નાસી ગયો હતો. જેથી એક્ટીવા સવાર દંપતી અને દીકરીને રોડ ઉપર ફંગોળાઈ જતા માથામાં તેમજ શરીર ઉપર ગંભીર ઈજાઓ થવા પામી હતી. જે પૈકી અંકિતભાઈ વ્યાસ (ઉં.વ. ૨૬)નું ઘટનાસ્થળે જ મોત નિપજ્યું હતું. જ્યારે ઉષાબેન તેમજ શ્રેયા (ઉં.વ. ૨)ને ઈજા થતાં સારવાર માટે હોસ્પિટલમાં લઈ જવામાં આવ્યા હતા. 

આ બનાવ અંગે ઉષાબેન અંકિતભાઈ વ્યાસની ફરિયાદ આધારે ખેડા ટાઉન પોલીસે અજાણ્યા વાહનચાલક વિરુદ્ઘ ગુનો નોંધી કાર્યવાહી હાથ ધરી છે.

(4:49 pm IST)
  • ગુજરાતના મંત્રી વિભાવરીબેન દવેના પતિ વિજયભાઈ ઉપેન્દ્રભાઈ દવેનું આજ રોજ તારીખ 13/9/2018ના સાંજે દુઃખદ અવસાન થયેલ છે:તેમના અંતિમ વિધિ તારીખ 14/9/2018 ના રોજ સવારે 9.00 કલાકે ભાવનગર ખાતેના નિવાસ સ્થાને રાખેલ છે access_time 11:28 pm IST

  • અંબાજીમાં ભાદરવી પૂનમના મેળા માટે 120 એસટી બસ મુકાશે :5,50 કરોડની આવકનો અંદાજ :હાલનું કાયમી બસ સ્ટેન્ડ મેળા દરમિયાન અઠવાડિયું બંધ :પાંચ અન્ય સ્થળે હંગામી બસ સ્ટેન્ડ બનાવી નવ બુથ ઉપરથી એસ,ટી,બસ વિવિધ રૂટ પર દોડાવાશે:રાજ્ય એસ. ટી. નિગમ મા જનરલ મેનેજર નિખીલ બિરવેએ આપી માહીતી access_time 11:01 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST