Gujarati News

Gujarati News

News of Wednesday, 12th September 2018

અમદાવાદ રેલવે સ્ટેશનમાંથી પકડાયેલ ચરસનું મુખ્ય મથક પેટલાદ નીકળ્યું

અમદાવાદ:ના રેલવે સ્ટેશન વિસ્તારમાંથી ચાર કિલો ચરસ સાથે પકડાયેલા કાશ્મીરી યુવકની તપાસમાં પગેરું પેટલાદના સૈયદવાડા ખાતે નીકળતાં એનસીબીની એક ટીમ પેટલાદ ખાતે ત્રાટકી હતી અને એક મહિલાને પુછપરછ માટે અમદાવાદ લઈ ગઈ હોવાનું જાણવા મળ્યું છે જ્યાં ચરસની હેરાફેરી અને વેચાણની કેટલીક સ્ફોટક વિગતો ખુલવા પામી છે જેને લઈને એનસીબીની ટીમે મુળ સુધી પહોંચવાની કવાયત હાથ ઘરી છે. 

 


પ્રાપ્ત વિગતો અનુસાર અમદાવાદમાં પકડાયેલા ચરસના કેસમાં પેટલાદના સૈયદવાડામાં રહેતી હનિફાબીબી ઈનાયતઅલી સૈયદનું નામ ખુલવા પામ્યું હતુ. જેથી એનસીબીની ટીમે છાપો મારીને હનિફાબીબીને ઝડપી પાડી અમદાવાદ લઈ ગઈ હતી. સુત્રોના જણાવ્યા અનુસાર હનિફાબીબી પણ ચરસની હેરાફેરીના રેકટમાં સક્રિય ભુમિકા ભજવતી હતી. કાશ્મીરથી આવતા ચરસના જથ્થાને ગુજરાતના જુદા-જુદા શહેરોમાં સપ્લાય અને વેચાણ કરવામાં આવતું હતુ. હનિફાબીબીનો પતિ ઈનાયતઅલી પણ અગાઉ ચરસ સાથે પકડાયો હતો જેને સાડા ચારેક વર્ષ જેટલી સજા પણ થઈ હતી અને સજા કાપીને જેલમાંથી બહાર આવ્યા બાદ કહેવાય છે કે સઘળો કારોબાર તેની પત્ની હનિફાબીબીએ સંભાળી લીઘો હતો. 

(4:49 pm IST)
  • પોરબંદર:દરિયામાં પાકિસ્તાન મરીનનો આતંક યથાવત:3 ભારતીય બોટ સાથે 18 માછીમારોના અપહરણ: IMBL નજીક માછીમારી વેળાએ બોટને ઉઠાવાઈ:અપહરણ કરાયેલ બોટ ઓખા અને પોરબંદરની હોવાની શક્યતા access_time 12:02 am IST

  • નવી એપલ વોચ-4 લોન્ચ:ઇસીજી ,ઇલેક્ટ્રો કાર્ડિયોગ્રામ જેવા અદભૂત નવા ફીચર્સ:૬૪ બીટ ડ્યુઅલ કોર પ્રોસેસર:એક્સીલેરોમીટર,જાયરોસ્કોપ જેવા નવા ફીચર્સ લોન્ચિંગ ઇવેન્ટ ટ્વિટર ઉપર લાઈવ access_time 12:04 am IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST