Gujarati News

Gujarati News

News of Friday, 13th July 2018

ગુજરાતમાં વરસાદની સિસ્ટમ વધુ મજબૂત:દક્ષિણ ગુજરાત માટે રેડ એલર્ટ : સૌરાષ્ટ્રમાં અતિ ભારે વરસાદની આગાહી

દક્ષિણ ગુજરાત પર અપર એર સાયકલોનિક સર્કયુલેશન છવાયું બંગાળની ખાડીમાં એક લો પ્રેશર ગુજરાતને ઘમરોળશે : દક્ષિણ ગુજરાત-સૌરાષ્ટ્રમાં ભારેથી અતિભારે વરસાદની આગાહી

રાજકોટ :ગુજરાતમાં વરસાદની સિસ્ટમ વધુ મજબૂત બની છે અને આગામી 24 કલાકમાં દક્ષિણ ગુજરાત અને સૌરાષ્ટ્રમાં ભારે થી અતિ ભારે વરસાદની આગાહી કરાઈ છે આગામી 15 અને 16મીએ ઉત્તર ગુજરાત અને કચ્છમાં પણ મેઘરાજા અનરાધાર વરસી શકે છે બંગાળની ખાડીમાં લો પ્રેશર સર્જાયું છે જેના કારણે ગુજરાતમાં ભારે વરસાદ થવાની શક્યતા છે આગામી 24 કલાક દરિયો ના ખેડવા માછીમારોને અપાઈ સૂચના અપાઈ છે

હવામાન વિભાગે ચેતવણી આપી છે કે 15, 16 અને 17 જુલાઇએ રાજ્યમાં મોટા ભાગના વિસ્તારોમાં ભારેથી અતિભારે વરસાદની વરસી શકે છે. આ સાથે આગામી પાંચ દિવસ સુધી દક્ષિણ ગુજરાત માટે હવામાન વિભાગે રેડ એલર્ટ જાહેર કર્યું છે. હાલમાં દક્ષિણ ગુજરાત ઉપર એક અપર એર સાયકલોનિક સર્કયુલેશન સર્જાયેલું છે. આ ઉપરાંત ઓડિશાના સમુદ્ર કિનારા નજીક બંગાળની ખાડીમાં એક લો પ્રેશર સર્જાયું છે. જેની અસર હેઠળ આગામી એક સપ્તાહ સુધી રાજ્યમાં વરસાદી માહોલ ચાલુ રહેવાની સંભાવના વ્યક્ત કરાઇ છે.

   ગુજરાતના અનેક વિસ્તારોમાં અનરાધાર વરસાદ વરસી રહ્યો છે ત્યારે હવામાન વિભાગે રાજ્યમાં આગામી પાંચ દિવસ સુધી ભારે વરસાદની સંભાવના વ્યક્ત કરી છે. ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં ભારેથી અતિભારે વરસાદની સંભાવના છે . હવામાન વિભાગની આગાહી મુજબ આગામી 48 કલાકમાં સૌરાષ્ટ્ર અને દક્ષિણ ગુજરાતના વિસ્તારોમાં અતિભારે વરસાદની સંભાવના છે. જ્યારે કે ઉત્તર અને મધ્ય ગુજરાતમાં મધ્યથી ભારે વરસાદ વરસી શકે છે. જો કે કચ્છમાં હળવા વરસાદની શક્યતા છે.

(8:28 pm IST)
  • રાજકોટ:ગોંડલ તાલુકાના પાટીયાળી ગામ નજીક આવેલ મોતીસર ડેમ ઓવરફલો: પાટીયાળીથી રાજકોટ જતાં માર્ગ ઉપર નાલાનું ધોવાણ: ગોંડલના હડમતાળા ગામે ભારે વરસાદને કારણે ચેકડેમો તૂટ્યાં:ગોંડલના રાણસીકી ગામની કમોતડી નદીમાં પુર સાથે બે કાંઠે access_time 11:23 pm IST

  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST

  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST