Gujarati News

Gujarati News

News of Friday, 13th July 2018

કપડવંજ-મોડાસા નજીક બસની ડિકીમાંથી પોલીસે 8050નો દારૂનો જથ્થો ઝડપ્યો

કપડવંજ:કપડવંજ-મોડાસા રોડ રેલીયા ચેક પોસ્ટ પરથી આજે સવારે લક્ઝરી બસની ડીકીમાંથી વિદેશી દારૂ બોટલ નં. ૨૩ મળી આવી હતી. જેથી પોલીસે વિદેશી દારૂની હેરાફેરી કરનાર ઈસમની અટક કરી વધુ તપાસ હાથ ધરી છે. 
કપડવંજ રૂરલ પોલીસ આજે સવારે રેલીયા ચેક પોસ્ટ ઉપરથી પસાર થતા વાહનોનું ચેકીંગ કરતી હતી. આ દરમ્યાન મોડાસા તરફથી આવેલ લક્ઝરી બસ નં. આરજે ૦૭ બીસી ૨૭૭૦ને ઊભી રખાવી ડીકીમાં મૂકેલ માલસામાનની તલાશી લેવામાં આવી હતી. આ તલાશી દરમ્યાન બે થેલામાંથી વિદેશી દારૂની બોટલ નં. ૨૩ રૂા. ૮૦૫૦નો મળી આવી હતી. જેથી પોલીસે માલસામાનના ઓથા હેઠળ વિદેશી દારૂ સંતાડી હેરાફેરી કરનાર દિનેશ ગુલાબચંદભાઈ ત્રિવેદી (રે. ઉદેપુર, રાજસ્થાન)ની અટક કરી તેની પાસેથી મોબાઈલ રૂા. ૫૦૦નો કબજે કર્યો હતો. આમ કપડવંજ રૂરલ પોલીસે વિદેશી દારૂ તથા મોબાઈલ મળી કુલ રૂા. ૮૫૫૦નો મુદ્દામાલ કબજે કર્યો હતો. આ લક્ઝરી બસ ભીલવાડાથી સુરત જતી હતી. જ્યારે દારૂની હેરાફેરી કરનાર ઈસમ ઉદેપુરથી સુરત જવા બેઠો હોવાનું બહાર આવેલ છે. 
આ બનાવ અંગે કપડવંજ રૂરલ પોલીસે પ્રોહિબિશનનો ગુનો નોંધી કાયદેસર કાર્યવાહી હાથ ધરી છે.

(5:17 pm IST)
  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • સુરત સચિન જીઆઇડીસી પોલીસ સ્ટેશન પાછળ ગોડાઉનમાં રખાયેલ EVM મશીન પાણી ડૂબ્યા:ગડાઉનમાં પાણી ઘુસ્યા access_time 10:03 pm IST

  • ભાજપના પૂર્વ ઉપાધ્યક્ષ જયંતિ ભાઈ ભાનુશાળી પર બળાત્કારના આરોપનો મુદ્દો : સુરત પોલીસ કમિશ્નરનુ ટેલિફોનિક નિવેદન :અરજીની તપાસ કાપોદ્રા પોલીસ સ્ટેશનના PIને સોંપવામાં આવી: પહેલા પ્રાથમિક અરજીની તપાસ કરવામાં આવશે બાદમાં આગળની કાર્યવાહી હાથ ધરવામાં આવશે access_time 12:13 am IST