Gujarati News

Gujarati News

News of Friday, 13th July 2018

ખેડૂતોને ચણા, તુવેર, રાયડાના પૈસા આવતા અઠવાડિયે મળી જશે

રાજય સરકાર પ૦૦ કરોડનું રીવોલ્વીંગ ફંડ ફાળવશેઃ ફળદુ

રાજકોટ, તા. ૧૩ :. રાજ્યમાં સરકારને ટેકાના ભાવે ચણા, તુવેર, રાયડો વેચનાર ખેડૂતોને આવતા અઠવાડીયે મળવાપાત્ર નાણા મળી જશે તેવી હૈયાધારણા રાજ્યના કૃષિ મંત્રી શ્રી આર.સી. ફળદુએ આપી છે.  ખેડૂતોને લાંબા સમયથી ખેત ઉપજ વેચાણના નાણા ન મળવા અંગે શ્રી આર.સી. ફળદુને પુછતા તેમણે આજે બપોરે અકિલાને જણાવેલ કે, ખેડૂતોની વાત સાચી છે. ટેકાના ભાવની ખરીદીના નાણા મેળવવા માટે રાજ્ય સરકાર દ્વારા કેન્દ્ર સરકારમાં પ્રયત્નો ચાલુ છે. વહીવટી પ્રક્રિયામાં થોડો સમય જવાની સંભાવનાને ધ્યાને રાખી રાજ્ય સરકારે વચગાળાના ઉપાય તરીકે રીવોલ્વીંગ ફંડમાંથી ખેડૂતોને નાણા ફાળવવાનું નક્કી કર્યુ છે. ખેડૂતોને ૫૦૦ કરોડ જેવી રકમ આપવાની થાય છે. તે રીવોલ્વીંગ ફંડના માધ્યમથી આપવા માટે ફાઈલ નાણા વિભાગમાં મોકલવામાં આવી છે. ટૂંક સમયમાં જ મંજુરી બાદ આવતા અઠવાડીયે ખેડૂતોના ખાતામાં નાણા જમા થઈ જશે.

(3:44 pm IST)
  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST

  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST

  • અલ્હાબાદ રહેતા ક્રીકેટર મોમ્હમદ કૈફે લીધો સન્યાસઃ ક્રીકેટરના તમામ ફોર્મટમાંથી નિવૃતી લીધીઃ ટ્વિટર પર મેસેજ કરીને નિવૃતીની કરી જાહેરાતઃ સન્યાસના એલાન સાથે બે પેઝની ચીઠી જારી કરીને સિનીયર્સ-સાથી ખેલાડીયો અને પરિવારનો અભાર વ્યકત કર્યો access_time 7:29 pm IST