Gujarati News

Gujarati News

News of Friday, 13th July 2018

ભાજપ પ્રદેશ ઉપપ્રમુખ જેન્તી ભાનુશાળીએ એડમીશનની લાલચ આપી દુષ્કર્મ આચર્યુ હોવાની સુરતની યુવતીની ફરીયાદ

કચ્છના પૂર્વ ધારાસભ્ય જેન્તી ભાનુશાળી સામે મનીષા ગોસ્વામીએ કરેલી ફરીયાદ પછી બીજી દુષ્કર્મની ફરીયાદથી ચકચાર

 ભૂજ, તા. ૧૩ :. ગુજરાત ભાજપના ઉપપ્રમુખ અને કચ્છના પૂર્વ ધારાસભ્ય જેન્તીભાઈ ભાનુશાળી વિરૂદ્ધ સુરતની યુવતીએ કરેલી દુષ્કર્મની ફરીયાદે ચકચાર સર્જી છે.

સુરતની ૨૧ વર્ષીય યુવતીએ વરાછા રોડ પોલીસ સ્ટેશનમાં આપેલી અરજીમાં જણાવ્યા પ્રમાણે તેણીએ ધોરણ ૧૨માં પાસ થયા પછી ફેશન ડિઝાઈનીંગનો અભ્યાસ કરવા માટે પોતાના ઓળખીતા દ્વારા જેન્તીભાઈ ભાનુશાળીનો સંપર્ક કર્યો હતો.

ગત વર્ષે ૨૦૧૭માં જેન્તીભાઈએ આ યુવતીને એડમીશન અપાવી દેવાની લાલચ આપીને ગાંધીનગરના રસ્તે એક ખેતરની અંદર ચાકુની અણીએ કારમાં દુષ્કર્મ આચર્યુ હોવાનું અને આ સમયે કાર ડ્રાઈવર તેમજ અન્ય એક બંદુકધારી શખ્સ કારની બહાર ઉભા હતા એવુ જણાવ્યું છે. બીજીવાર આ યુવતીને દુષ્કર્મનો ઉતારેલો વિડીયો વાયરલ કરવાની ધમકી આપીને ગાંધીનગરની ઉમેદ હોટલમાં બોલાવી જેન્તીભાઈએ દુષ્કર્મ આચર્યુ હોવાનું જણાવ્યુ છે. ગત તા. ૨૪ એપ્રિલે જેન્તીભાઈએ એક કાગળમાં સહીઓ લઈ લીધી હોવાનું અને દુષ્કર્મ પેન ડ્રાઈવમાં આપી હોવાનું યુવતીએ કહ્યુ છે. જો કે આ પુર્વે વિડીયો કલીપ જેન્તીભાઈ વિરદ્ધ મનીષા ગોસ્વામીએ પણ ફરીયાદ કરી ચૂકી છે.

આ અંગે જેન્તીભાઈ ભાનુશાળીનો ટેલીફોનીક સંપર્ક કરવા પ્રયત્ન કરતા તેઓ મળી શકયા ન હતા.(૨-૭)

(11:41 am IST)
  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST

  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST

  • અમરેલી :રાજુલાના હિંડોરણા ચોકડી પાસે ક્રિષ્ના ટાયર્સના કારખાનામાં ભીષણ આગ ભભૂકી :મુશળધાર વરસાદ વચ્ચે આગ લાગી :કારખાના આસપાસ મચી અફડા તફડી :સ્થાનિક લોકો દ્વારા આગ પર કાબુ મેળવવા પ્રયાસ :શોર્ટ સર્કિટના કારણે આગ લાગી હોવાનુ સ્થાનિક લોકો નું અનુમાન access_time 10:02 pm IST