Gujarati News

Gujarati News

News of Friday, 13th July 2018

સુરતમાં ભારે વરસાદને પગલે ચૌયાસી - લીંબાયતની ખાડીઓમાં ઘોડાપુર આવ્યું

નિચાણવાળા વિસ્તારમાં ૩-૩ ફૂટ પાણી ભરાયા : ઘર - દુકાનમાં પાણી ફરી વળ્યા

રાજકોટ તા. ૧૩ : સુરતમાં ભારે વરસાદને પગલે મોટાભાગની ખાડીઓમાં ભારે પૂર આવ્યા છે. ખાડીના પાણી ઘરમાં - દુકાનમાં ઘુસી જતા ઘરવખરીને નુકસાન થયું છે. રોડના કેટલાક વિસ્તારમાં ૩-૩ ફૂટ પાણી ભરાયા છે.

ગત રોજ પડેલા ભારે વરસાદના પગલે સુરત અને ચૌયાસી શહેરની તમામ ખાડીઓના લેવલ ઉપર આવી ગયા હતા. દરમિયાન વહેલી સવારે લિંબાયત વિસ્તારમાં આવેલી મીઠી ખાડીમાં પૂર આવ્યું હતું. અને આસપાસના વિસ્તારોમાં આવેલા ઘરોમાં પાણી ઘૂસી ગયા હતા. અને ફાયર વિભાગ દ્વારા એક બોટ ઉતારવામાં આવી છે. અને ફસાયેલા લોકોનું રેસ્કયુ કરવામાં આવી રહ્યું છે.

સુરતમાં પાંચ ઈંચ જેટલો વરસાદ ખાબકી ચૂકયો છે. જયારે આજે ધીમી ધારે વરસાદ વરસી રહ્યો છે. ગત રોજ પડેલા ભારે વરસાદના પગલે સુરત શહેરની તમામ ખાડીઓ ભયજનક સપાટી વટાવી ચૂકી છે. દરમિયાન આજે પરવત ગામ અને લિંબાયત વિસ્તારમાં પસાર થતી મીઠી ખાડીમાં પૂર આવ્યું હતું. જેથી પરવત ગામ અને લિંબાયતમાં આવેલી ઘરોમાં પાણી ઘૂસી ગયા હતા. પાણી ભરવાની જાણ થતા ફાયર વિભાગ દ્વારા તાત્કાલિક પગલાં લઈને એક બોટ ઉતારવામાં આવી છે. અને ફસાયેલા લોકોનું રેસ્કયુ કરવામાં આવી રહ્યું છે. હાલ ૫૨ મહિલા અને પુરૂષોનું રેસ્કયુ કરવામાં આવ્યું છે.(૨૧.૧૪)

 

(11:39 am IST)
  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • ખાંભાના નવા માલકનેશ વાડીની ઓરડી માં સુતેલી દીકરીને બચાવવા જતા વચ્ચે પડેલ દીકરીની માં પર દીપડા નો હુમલો.:મહિલાને સારવાર અર્થ ખાંભા હોસ્પિટલ ખસેડાઈ access_time 10:27 pm IST