Gujarati News

Gujarati News

News of Thursday, 13th June 2019

આણંદ તાલુકાના રામનગર ખાતે બાઈક અથડાતા થયેલ તકરારમાં બે ને ગંભીર ઇજા

આણંદ:તાલુકાના રામનગર ખાતે આવેલા કાળકા માતાવાળા ફળિયામાં ગઈકાલે સવારના સુમારે ખાટલાને બાઈક અથડાવા બાબતે તકરાર થતાં બેને ઈજાઓ થવા પામી હતી. અંગે વાસદ પોલીસે બન્ને પક્ષોની ફરિયાદો લઈને ગુનાઓ દાખલ કરી તપાસ હાથ ધરી છે

પ્રાપ્ત વિગતો અનુસાર દિનેશભાઈ મનુભાઈ ચૌહાણ ગઈકાલે સવારના સુમારે પોતાનું બાઈક લઈને ઘરેથી નોકરી પર જવા નીકળ્યો હતો. દરમિયાન રસ્તામાં મહેશભાઈ જગદીશભાઈ ચૌહાણે ઢાળેલા ખાટલાને બાઈક અડી જતાં મહેશભાઈ એકદમ ઉશ્કેરાઈ ગયો હતો અને ગમે તેવી ગાળો બોલીને નજીકમાં પડેલું લાકડાનું બેટ ઉઠાવીને દિનેશભાઈને માથામાં મારી દીધું હતુ. બૂમાબૂમ થતાં ભરતભાઈ, શનાભાઈ રાયસીંગભાઈ ચૌહાણ અને સોનાબેન પુનમભાઈ ચૌહાણ આવી ચઢ્યા હતા અને લાકડીથી માર મારીને ડાબા ખભા, ડાબી બાજુના કમરના ભાગે ઈજાઓ પહોંચાડી હતી. ત્યારબાદ જાનથી મારી નાંખવાની ધમકી આપીને ત્યાંથી જતા રહ્યા હતા

(5:32 pm IST)
  • પોરબંદર જિલ્લામાંથી 38551 લોકોનું સ્થળાંતર :વાયુ વાવાઝોડાને પગલે પોરંબદર દરિયા કાંઠાના વિસ્તારમાંથી 38 ,551 લોકોનું સ્થળાંતર કરાયું છે :સાવચેતીના પગલાં રૂપે પોરબંદર સહીત જિલ્લાના રાણાવાવ કુતિયાણા સહિતના સ્થળેથી સ્થળાંતર access_time 10:45 pm IST

  • રાજકોટથી એસટીની દીવ- કોડીનાર- વેરાવળ- ઉના- પોરબંદર- દ્વારકાની બસો બંધ : કુલ ૨૦ બસો બંધઃ વાયુ વાવાઝોડા સંદર્ભે આજે સતત બીજા દિવસે રાજકોટ એસટી ડીવીઝનની દીવ-કોડીનાર-વેરાવળ-ઉના-પોરબંદર-દ્વારકાની બસો બંધ રખાઈ : કોઈ મુસાફરો ફરકતા નથી : બે દિ'થી આવકમાં તોતીંગ ગાબડુ : જામનગર સુધી એસટી દોડે છે : સાંજ બાદ પુનઃ બસ વ્યવહાર શરૂ થવાની શકયતા : એડવાન્સ બુકીંગમાં ૪ લાખનું રીફંડ અપાયુ access_time 10:57 am IST

  • કચ્છના સરહદી વિસ્તાર હાજીપીર દરગાહ નજીક ગાજવીજ પવન સાથે જોરદાર વરસાદ વરસતા મકાનોના પતરા પણ ઉડી ગયા હતા access_time 3:33 pm IST