Gujarati News

Gujarati News

News of Thursday, 13th June 2019

સુરત: આરટીઓ ઝુંબેશને લઈને રીક્ષા-વાન ચાલકોએ સ્વૈચ્છિક રીક્ષાઓ બંધ રાખવાનો નિર્ણય કર્યો

સુરત: શહેરમાં ટેક્સી-મેક્સીના રજિસ્ટ્રેશન વિના શહેરમાં દોડતી સ્કૂલવેન વિરુદ્ધમાં પોલીસ અને RTOની ઝુંબેશને લઈને સ્કૂલવેન માલિકોએ વાહનોની સેવા સ્થગિત કરી દીધી છે.સ્વૈચ્છિક બંધને કારણે શહેરમાં આઠ હજારથી વધુ સ્કૂલવેન દોડતી બંધ થઈ ગઈ છે. જોકે, સ્કૂલની સાથોસાથ શહેરના ઓટોરિક્ષા એસોસિયેશને પણ રીક્ષાઓ સ્વૈચ્છિક બંધ રાખવાનો નિર્ણય લીધો છે.

શહેરમાં 15 હજારથી વધુ સ્કુલ વાન અને સ્કૂલ ઓટોરિક્ષાઓ સેવાઓ આપે છે. સ્કૂલ ઓટોરિક્ષા વિરુદ્ધમાંમાં તો વહીવટી તંત્ર દ્વારા કોઈ ઝુંબેશ હાથ ધરવામાં નથી આવી. તેમ છતાં તેઓએ સ્વૈચ્છિક બંધમાં જોડાઈને સ્કૂલવેન માલિકોને સાથ આપ્યો છે. સ્કુલ વાન અને સ્કુલ ઓટોરિક્ષા ફરતી બંધ થઈ જવાને કારણે શહેરની હજારો સ્કૂલોના વિદ્યાર્થીઓના વાલીઓ માટે એક વધારાની મુસીબત બની છે. સવારથી વાલીઓ બાળકો લઈને સ્કૂલે જઈ રહ્યા છે.

(5:27 pm IST)
  • ''વાયુ'' વાવાઝોડું પોરબંદરની દક્ષિણે અરબી સમુદ્રમાં ૭૦ નોટકીલ માઈલ દૂર કેન્દ્રિત થયું છેઃ પ્રતિ કલાક ૬૫ કી.મી. ઝડપે ત્યાં પવન ફૂંકાય રહ્યો છેઃ માછીમારોની તમામ બોટો બંદર ઉપર સલામત છેઃ આજે સવારે કોસ્ટગાર્ડે કરેલ ટ્વીટ access_time 11:38 am IST

  • પોરબંદર જીલ્લામાં સરેરાશ દોઢ ઇંચ વરસાદ : પોરબંદર જીલ્લામાં ર૪ કલાકમાં સરેરાશ દોઢ ઇંચ વરસાદ વરસી ગયો હતો. પોરબંદરમાં ૧૩ મીમી રાણાવાવમાં ૧૯ મીમી. તથા કુતિયાણામાં ૪ મીમી. વરસાદ નોંધાયો છે. access_time 8:56 pm IST

  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST