Gujarati News

Gujarati News

News of Wednesday, 12th June 2019

સૌરાષ્ટ્ર પ્રવાસન-યાત્રાધામની સર્વિસને રદ કરવા નિર્ણય થયો

યાત્રીઓની સલામતિને ધ્યાનમાં લઇને નિર્ણય : ૧૪મી સુધી યાત્રાધામો માટે સર્વિસ રદ : રિફંડ અપાશે

અમદાવાદ, તા. ૧૨ : ગુજરાત રાજ્ય માર્ગ પરિવહન વ્યવહાર નિગમ દ્વારા વાયુ વાવાઝોડાની સંભવિત વ્યાપક અને વિનાશક અસરને ટાળવા માટે અગમચેતીના ભાગરુપે સૌરાષ્ટ્રના પ્રવાસન ધામો અને યાત્રાધામો તરફ જતી એક્સપ્રેસ અને પ્રિમિયમ બસની સેવા ૧૪મી જૂન સુધી મોકૂફ કરી દીધી છે. આ સેવા રદ કરવા અંગેની જાહેરાત કરવામાં આવી ચુકી છે. મુસાફરોના જાનમાલ અને સુરક્ષાને ધ્યાનમાં લઇને નિગમ દ્વારા આ નિર્ણય કરવામાં આવ્યો છે. રિઝર્વેશન કરાવી ચુકેલા મુસાફરોને તેમના નોંધવામાં આવેલા મોબાઇલ નંબર ઉપર બસ રદ તેવા એસએમએસ મોકલી દેવામાં આવ્યા છે. રિઝર્વેશનની રકમનો ફરી રિફંડ મળે તેવી વ્યવસ્થા કરવામાં આવી છે. સોમનાથ ટ્રસ્ટ દ્વારા વાવાઝોડા અંગે આજે બેઠક યોજવામાં આવી હતી. કલેક્ટર ઓફિસ સાથે યોજાયેલી બેઠકમાં તમામ પાસાઓ ઉપર ચર્ચ થઇ હતી. ગીર સોમનાથ જિલ્લામાં ત્રાટકનાર વાયુ વાવાઝોડા અને તેની અસર સંદર્ભે બેઠક યોજવામાં આવી હતી. વેરાવળ બંદર ઉપર બે નંબરનું સિગ્નલ મુકવામાં આવ્યું છે. સુત્રપાડા, કોડિનારમાં પણ સાવચેતીના પગલા લેવામાં આવી રહ્યા છે.

(7:30 pm IST)
  • 'વાયુ' વાવાઝોડુ ઓમાન તરફ ફંટાયુ છે જે સતત હવે પશ્ચિમ દિશામાં ગતિ કરે તેવી હાલના અનુમાનો મુજબ શકયતાઓ દેખાઈ રહી છે : હવે સૌરાષ્ટ્રના દરિયાકાંઠાના અમુક વિસ્તારોમાં ભારે વરસાદ પડવાની સંભાવના છે જયારે અમુક વિસ્તારોમાં હળવાથી મધ્યમ પડશે. access_time 11:36 am IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • વાયુ વાવાઝોડું અપડેટ : મોડી સાંજે પોરબંદરના ચોપાટી પર દરિયામાં આવ્યો જોરદાર કરંટ : જબરા મોજા ઉછળી રહ્યા છે : દરિયાનું પાણી આવી ગયું રસ્તાઓ પર : તંત્રે લોકોને ચોપાટીથી દૂર રહેવા અને તકેદારી રાખવા વિનંતી કરી છે. (સંદીપ બગથરીયા દ્વારા) access_time 10:33 pm IST