Gujarati News

Gujarati News

News of Wednesday, 12th June 2019

કપડવંજના અંત્રોલી ગામે અગમ્ય કારણોસર દંપતીને માર મારનાર ચાર શખ્સ વિરુદ્ધ ગુનો દાખલ

કપડવંજ: તાલુકાના આંત્રોલી ગામની સીમમાં રહેતાં પ્રતાપભાઈ છગનભાઈ પરમાર ગત શનિવારના રોજ ગામમાં આવેલ દૂધની ડેરીમાં દૂધ ભરવા જઈ રહ્યાં હતાં. તે વખતે ગામમાં જ રહેતાં જયંતિભાઈ ભીખાભાઈ પરમારે પોતાનું બાઈક પુરઝડપે હંકારી લાવી રોડ પર જઈ રહેલ પ્રતાપભાઈની નજીકથી બાઈક કાઢતાં તેઓ પડી ગયાં હતાં. 

જેથી આ બાબતને લઈ પ્રતાપભાઈના ભાઈ દિપકભાઈ છગનભાઈ પરમાર અને ભાભી અમૃતાબેન ઠપકો આપવા માટે જયંતિભાઈના ઘરે ગયાં હતાં. જ્યાં ઉશ્કેરાઈ ગયેલા જયંતિભાઈ ભીખાભાઈ પરમાર, ગોપાલભાઈ કાળાભાઈ પરમાર, કીરીટભાઈ રણછોડભાઈ પરમાર અને બોડાભાઈ રણછોડભાઈ પરમારે ભેગા મળી ઠપકો આપવા ગયેલ દિપકભાઈ એને તેમની પત્નિ અમૃતાબેન પર હુમલો કરી મારમારી ઈજા પહોંચાડી હતી. 

(5:36 pm IST)
  • વાયુ વાવાઝોડું અપડેટ : મોડી સાંજે પોરબંદરના ચોપાટી પર દરિયામાં આવ્યો જોરદાર કરંટ : જબરા મોજા ઉછળી રહ્યા છે : દરિયાનું પાણી આવી ગયું રસ્તાઓ પર : તંત્રે લોકોને ચોપાટીથી દૂર રહેવા અને તકેદારી રાખવા વિનંતી કરી છે. (સંદીપ બગથરીયા દ્વારા) access_time 10:33 pm IST

  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • વાયુ વાવાઝોડું સૌરાષ્ટ્રના કાંઠે સિધુ ત્રાટકશે નહિ, અને પશ્ચિમ દિશામાં ફંટાય રહ્યું છે અનેઓમાન તરફ આગળ વધે છે, સોમનાથ થી 125 કીમી દૂરથી ફંટાય રહ્યું છે... ભારે પવન અને વરસાદ ચાલુ રહેશે access_time 8:41 am IST