Gujarati News

Gujarati News

News of Wednesday, 12th June 2019

મહેમદાવાદની ખાત્રજ ચોકડી નજીક બાઈક-એક્ટિવા વચ્ચે ગમખ્વાર અકસ્માતમાં એક્ટિવા ચાલકે ઘટનાસ્થળેજ દમ તોડ્યો

મહેમદાવાદ: તાલુકાના ખાત્રજ ચોકડી નજીક રોડ ક્રોસ કરતાં એક્ટિવાને બાઈકચાલકે અડફેટે લેતાં વૃદ્ઘ ચાલકનું ગંભીર ઈજાઓ થવાને કારણે સારવાર દરમિયાન મોત થયું હતુ જ્યારે બાઈક ચાલકને ઈજાઓ પહોંચી હતી. 

આ અંગે મળતી માહિતી મુજબ મહેમદાવાદ તાલુકાના ખાત્રજમાં રહેતાં ઉદેસિંહ શનાભાઈ ચૌહાણ (ઉં.વ ૭૬) ગત શનિવારના રોજ પોતાનું એક્ટિવા નં જીજે ૦૭ બીજે ૯૮૧૧ લઈ ખાત્રજ ચોકડી નજીક આવેલ શંકર હોટલ પાસેથી રોડ ક્રોસ કરી રહ્યાં હતાં. તે દરમિયાન માર્ગ પર પુરપાટ ઝડપે પસાર થતાં મોટરસાઈકલ નં જીજે ૦૭ સીપી ૫૪૯૫ ના ચાલકે ઉદેસિંહ ચૌહાણની એક્ટિવાને અડફેટે લીધી હતી. આ અકસ્માતમાં બાઈકચાલકને સામાન્ય ઈજાઓ પહોંચી હતી. જ્યારે એક્ટિવા ચાલક ઉદેસિંહ ચૌહાણ ગંભીર રીતે ઈજાગ્રસ્ત બનતાં તેઓને તાત્કાલિક સારવાર માટે હોસ્પિટલમાં લઈ જવામાં આવ્યાં હતાં. જો કે ઈજા ગંભીર હોઈ તેઓનું સારવાર દરમિયાન મોત નિપજ્યું હતું. 

(5:36 pm IST)
  • મુંબઈના ગ્રાન્ટ રોડ ઉપર આજે બપોરે ધોધમાર વરસાદ શરૂ access_time 4:28 pm IST

  • કોણ બનશે ભાજપના અધ્યક્ષ ? પક્ષના નેતાઓ સાથે અમિતભાઇ શાહની બેઠક શરૃઃ કેન્દ્રીય ગૃહમંત્રી અને બીજેપી અધ્યક્ષ અમિતભાઇ શાહ આજે પક્ષના રાજય એકમોની સાથે બેઠક કરીને પક્ષમાં થનારા સંગઠનની ચૂંટણી પર મંથન કરશેઃ આ બેઠકમાં દરેક રાજયોના પ્રમુખ, મહામંત્રી અને રાજય પ્રભારી સામેલ થયા access_time 3:20 pm IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST