Gujarati News

Gujarati News

News of Wednesday, 12th June 2019

ખેડા જિલ્લા એલસીબીએ મહુધા-વડતાલમાંથી અઢી લાખના વિદેશી દારૂના જથ્થા સાથે બુટલેગરની ધરપકડ કરી

ખેડા જિલ્લા એલસીબીએ મહુધા-વડતાલમાંથી અઢી લાખના વિદેશી દારૂના જથ્થા સાથે બુટલેગરની ધરપકડ કરી ખેડા: જિલ્લા એલસીબી પોલીસે મહુધા-ડડુસર રોડ પર આવેલ એક ગોડાઉન તેમજ ખેતરમાં દરોડો પાડી સંતાડી રખાયેલા ૭૨ હજારની કિંમતના દારૂ સાથે એક બુટલેગરને પકડી પાડ્યો હતો. જ્યારે ચકલાસી પોલીસે વડતાલ પંથકમાંથી સતત બીજે દિવસે ગાડીમાં લઈ જવાતો રૂ.૧.૮૭ લાખનો દારૂ ઝડપી પાડ્યો હોવાનું જાણવા મળે છે. 

આ અંગે મળતી માહિતી મુજબ ખેડા જિલ્લા એલસીબી પોલીસની ટીમ ગતરોજ મહુધા પોલીસ સ્ટેશન વિસ્તારમાં પેટ્રોલીગમાં હતી. તે દરમિયાન મહુધામાં આવેલ ચોખંડી ભાગોળ વિસ્તારમાં રહેતાં નાસીરહુસેન ગુલામહુસેન મલેકે તેના ડડુસર રોડ પર આવેલ ગોડાઉન તેમજ ખેતરની વાડમાં ડારૂ સંતાડી રાખ્યો હોવાની માહિતી મળી હતી. જેથી પોલીસની ટીમે નાસીરહુસેન મલેકના ડડુસર રોડ પર મુસીબતનગરમાં આવેલા ગોડાઉનમાં તેમજ ગોડાઉનની સામે આવેલ તેના ખેતરમાં દરોડો પાડ્યો હતો. જ્યાં ચેકિંગ હાથ ધરતાં ગોડાઉન તેમજ ખેતરની કબ્રસ્તાન બાજુની વાડમાં સંતાડી રાખેલ ભારતીય બનાવટના પરપ્રાંતની વિદેશી દારૂની ૧૮૦ નંગ બોટલો કિંમત રૂ.૭૨,૦૦૦ ની મળી આવી હતી. પોલીસે આ દરોડામાં દારૂ તેમજ મોબાઈલ ફોન મળી કુલ રૂ.૭૨,૫૦૦ નો મુદ્દામાલ જપ્ત કરી બુટલેગર નાસીરહુસેન ગુલામહુસેન મલેકની ધરપકડ કરી હતી. 

(5:35 pm IST)
  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST

  • લાઠી-ખાંભામા ૧, અમરેલીમા અડધો ઇંચ :અમરેલી જીલ્લામાં વાવાઝોડાની અસરથી જનજીવન ઠપ્પ access_time 3:47 pm IST

  • કચ્છના સરહદી વિસ્તાર હાજીપીર દરગાહ નજીક ગાજવીજ પવન સાથે જોરદાર વરસાદ વરસતા મકાનોના પતરા પણ ઉડી ગયા હતા access_time 3:33 pm IST