Gujarati News

Gujarati News

News of Wednesday, 12th June 2019

ખેડા જિલ્લા નજીક સર્જાયેલ ગમખ્વાર અકસ્માતમાં દુબઈથી પરત આવતા ખંભાતના પરિવારને અકસ્માત નડતા 3 મોતને ભેટ્યા: 2ને ગંભીર ઇજા

ખેડા: જિલ્લાના માતર પાસે ને. હા.નં.૪૮ પર આજે સવારે સર્જાએલ અકસ્માતમાં ૩ વ્યક્તિઓના મૃત્યુ થયા છે. જ્યારે બે વ્યક્તિઓને ગંભીર ઇજા થતા તેઓને સારવાર માટે હોસ્પિટલ ખસેડવામાં આવ્યા છે. ઇકો કારના ચાલકે બેફીકરાઇ અને ગફલતભરી રીત ેકાર ચલાવી આગળ જતા કંટેનર સાથે કાર ભટકાવી દેતા ઘટના ઘટી હતી. જે બાબતે માતર પોલીસે ફરિયાદ નોધી કાયદેસર કાર્યવાહી હાથ ધરી છે. અકસ્માતને પગલે કારમાં બેઠેલા સેવંતીલાલ શંકરભાઇ પટેલ (ઉ.વ.૭૧), હિમાશું સેવંતીલાલ પટેલ ઉ.વ.૩૫) તેમજ અંજનાબેન સેવંતીલાલ પટેલ (ઉ. વ. ૬૫)ને ગંભીર ઇજાઓ થતા તેમનું મૃત્યુ થયું હતું. જ્યારે હેલીબેન હિમાંશુભાઇ પટેલ અને કારના ડ્રાઇવર રાકેશભાઇ પ્રવિણભાઇ પટેલને ગંભીર ઇજાઓ થતા તેમને સારવાર માટે ખેડા સિવિલ હોસ્પિટલ લઇ જવાયા હતા. સમગ્ર ઘટના અંગે માત પોલીસ મથકે ઇકો કારના ચાલક વિરૂધ્ધ બેફીકરાઇ અને ગફલતભરી રીતે કાર હંકારી અકસ્માત સર્જવા બાબતે ફરિયાદ નોધી કાયદેસર કાર્યવાહી હાથ ધરવામાં આવી છે. 

(5:34 pm IST)
  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST

  • વાયુ વાવાઝોડું અપડેટ : પોરબંદરની બાજુમાં આવેલ કૂચડી ગામ પાસે દરિયાના પાળામાં, સાંજે ગાબડું પડતા દરિયાના મબલખ પાણી ખેતરોમાં ફરી વળ્યા છે access_time 10:30 pm IST