Gujarati News

Gujarati News

News of Wednesday, 12th June 2019

મુખ્યમંત્રી શ્રી વિજયભાઈ રૂપાણીએ પ્રેસ કોન્ફરન્સ યોજી : વાવાઝોડુ 'વાયુ' મધરાત્રે ત્રાટકશે ત્યારે વિજળી ગુલ થઈ જશે : આપણા માટે વાવાઝોડાની તીવ્રતા ચિંતાનો વિષય છે : લોકોને સહયોગ આપવા અપીલ કરી છે

મુખ્યમંત્રી શ્રી વિજયભાઈ રૂપાણીએ અત્યારે ૧:૧૫ વાગ્યે પ્રેસ કોન્ફરન્સ યોજી  જણાવ્યુ છે કે, વાવાઝોડુ 'વાયુ' મધરાત્રે ત્રાટકશે ત્યારે વિજળી ગુલ થઈ જશે : આપણા માટે વાવાઝોડાની તીવ્રતા ચિંતાનો વિષય છે : લોકોને સહયોગ આપવા અપીલ કરી છે : તેઓએ જણાવેલ કે, દરિયાના મોજાં એટલા ઉછળશે કે આસપાસના ગામોમાં પણ પાણી ભરાઈ જવાની શકયતા છે : મોડી રાતનો સમય છે એટલે ગંભીરતા છે : બપોરે ૧ વાગ્યા સુધીમાં ૧.૩૦ લોકોનું સ્થળાંતર કરી દેવામાં આવ્યુ છે : આજે સાંજથી જ ધીમે ધીમે વરસાદ શરૂ થઈ જશે : સરકાર દ્વારા તમામ વ્યવસ્થા ઉભી કરવામાં આવી છે અને ડિઝાસ્ટર મેનેજમેન્ટની ટીમ ખડેપગે રહેશે : વાવાઝોડાની ઝડપ ઘટવાના બદલે વધી છે : વાવાઝોડુ ત્રાટકશે ત્યારે વિજળી ગુલ થાય તેવા હાલના અનુમાન છે : રાત્રીના સમયે ખાસ કરીને પશુઓને બાંધીને ન રાખવા : જે જગ્યાએ વાવાઝોડાની વધુ અસર થવાની છે તે જગ્યાએ બસ સેવા અને રેલ્વે સેવા પણ બંધ રાખવામાં આવશે : વધુ ને વધુ જાનહાનિ ન થાય એ આપણી સફળતા ગણાશે : લોકોને સલામત સ્થળે રહેવા અપીલ કરતાં વિજયભાઈએ જણાવ્યુ કે, તંત્ર દ્વારા સ્થળાંતરની કામગીરી ચાલુ છે.

(3:00 pm IST)
  • વાયુ વાવાઝોડું અપડેટ : મોડી સાંજે પોરબંદરના ચોપાટી પર દરિયામાં આવ્યો જોરદાર કરંટ : જબરા મોજા ઉછળી રહ્યા છે : દરિયાનું પાણી આવી ગયું રસ્તાઓ પર : તંત્રે લોકોને ચોપાટીથી દૂર રહેવા અને તકેદારી રાખવા વિનંતી કરી છે. (સંદીપ બગથરીયા દ્વારા) access_time 10:33 pm IST

  • પોરબંદર જીલ્લામાં સરેરાશ દોઢ ઇંચ વરસાદ : પોરબંદર જીલ્લામાં ર૪ કલાકમાં સરેરાશ દોઢ ઇંચ વરસાદ વરસી ગયો હતો. પોરબંદરમાં ૧૩ મીમી રાણાવાવમાં ૧૯ મીમી. તથા કુતિયાણામાં ૪ મીમી. વરસાદ નોંધાયો છે. access_time 8:56 pm IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશેઃ હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે access_time 11:37 am IST