News of Wednesday, 13th June 2018

વિજયભાઈ રૂપાણીના રાજીનામાની સોશ્યલ મીડિયામાં ફરી તથ્યહીન જબરદસ્ત અફવા ફેલાઈ : સત્તાવાર સૂત્રોનો ઇન્કાર : ચોક્કસ તત્વોનો રાજકીય અરાજકતા ફેલાવવાનો મનસુબો ?

ગાંધીનગર : તાજેતરમાં થોડા દિવસોથી સોશ્યલ મીડિયામાં, મુખ્યમંત્રી વિજયભાઈ રૂપાણીનાં રાજીનામાની જબરદસ્ત અફવાઓ ફેલાવાઈ રહી છે. જેના લીધે રાજ્યના રાજકીય માહોલમાં વિનકારણ ગરમાવો આવી ગયો છે.

સહુ પ્રથમ એવી અફવા ફેલાઈ હતી કે મુખ્યમંત્રી રૂપાણીથી નાખુશ થઈને કેન્દ્રીય મોવડી મંડળ તેમનું રાજીનામું લઈને કોઈ પાટીદારને મુખ્યમંત્રી તરીકે બેસાડશે, જે હાલના સમયમાં તદન ખોટું સાબીત થયું છે. 

તો હવે સોશ્યલ મીડિયામાં એવું ફેલાવાય રહ્યું છે કે મુખ્યમંત્રી વિજયભાઈ પોતેજ રાજીનામું આપી દેવાના છે. એક તબક્કે શ્રી મનસુખભાઇ માંડવીયા અને શ્રી પુરુષોત્તમ રૂપાલાજી ના નામો પણ નવા મુખ્યમંત્રી તરીકે ઉડાળાયા હતા, તો એ પહેલાં નિતિનભાઈનું નામ પણ ઉછાડાયું હતું. 

આ બાબતે  સત્તાવાર સુત્રોનો સમ્પર્ક કરતા જાણવા મળી રહ્યું છે કે આ અફવાઓ તદન પાયાવિહોણી અને ખોટી તથા કોઈ બદ ઈરાદાથી ફેલાવાઈ રહી છે. નામ નહીં આપવાની શરતે આ ભરોસાપાત્ર સુત્રોએ એમ પણ કહ્યું હતું કે "સોશ્યલ મીડિયા દ્વારા ફેલાવાય રહેલી આવી ખોટી અફવાઓ, ફક્ત ને ફક્ત રાજ્યમાં રાજકીય અસ્થિરતા અને રાજકીય અંધાધૂંધી  ફેલાવવા માટે વાયરલ કરવામાં આવી રહી છે."

(7:54 pm IST)
  • પાકિસ્તાનમાં ઇમરાનખાન વિરુદ્ધ 100 વર્ષની મહિલા લડશે ચૂંટણી ;ઇમરાનખાન પાંચ જગ્યાએથી ચૂંટણીમાં ઝુકાવશે ;મહિલા ઇમરાન સામે બે જગ્યાએથી ચૂંટણી લડશે :હજરત બીવી નામની આ મહિલાએ બનનું અને કે-પી એસેમ્બલી માટે પીકે-89 (બન્નુ 1110 ) થી નામાંકન દાખલ કર્યું છે કન્યા કેળવણીનો મુખ્ય ઉદેશ્ય access_time 1:23 am IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • મુંબઇમાં ૩૩ માળની બિલ્ડીંગમાં ભીષણ આગ : મુંબઇના વર્લીમાં ૩૩ માળની બિલ્ડીંગમાં ભીષણ આગ લાગીઃ ૧૦ થી વધુ ફાયરની ગાડી ઘટના સ્થળેઃ ફાયર રેસ્કયુની કામગીરી ચાલુ access_time 3:46 pm IST