Gujarati News

Gujarati News

News of Wednesday, 13th June 2018

વડોદરા: લંપટ ડોકટરે બોરસદના અનારસમાં પણ ક્લિનિક ખોલ્યું"તું: કામલીલાની જાણ થતા લોકોએ લાલ કલર મારી દીધો

ડોક્ટર પ્રતીક જોશી ત્યાંથી રફુચક્કર :લોકોએ નક્કી કર્યું ડોક્ટરને ગામમાં ઘુસવા નહીં દયે

વડોદરા: લંપટ ડોકટરે બોરસદના અનારસમાં પણ ક્લિનિક  ખોલ્યું

વડોદરા;શહેરના ગોત્રી ખાતે રહેતા ડોક્ટરે અનગઢ ખાતે હોસ્પિટલ ખોલીને મહિલા દર્દીઓ સાથે કામલીલા આચરી હતી. મહિલા દર્દીઓ સાથેના તેમના વીડિયો વાયરલ થયા બાદ ડોક્ટરે અનગઢ ખાતે પોતાનું ક્લિનિક બંધ કરી દીધું હતું. બાદમાં તેમણે બોરસદ તાલુકાના અનારસ ગામ ખાતે નવું ક્લિનિક શરૂ કર્યું હતું. જોકે, અનારસ ગામના લોકોને ડોક્ટરની કામલીલા અંગે જાણ થઈ જતાં ડોક્ટર ત્યાંથી પણ રફુચક્કર થઈ ગયો હતો. બીજી તરફ ગામ લોકોએ નક્કી કર્યું છે કે હવે તે ડોક્ટરને તેના ગામમાં ઘૂસવા નહીં દે.

   મળતી માહિતી પ્રમાણે ડો. પ્રતિક જોશીએ અનારસ ખાતે 15 દિવસ પહેલા જ ભાડાના મકાનમાં પોતાનું ક્લિનિક શરૂ કર્યું હતું. બાદમાં ગામના લોકોને વાયરલ થયેલા વીડિયો પરથી ખબર પડી હતી કે કામલીલામાં જોવા મળતો ડોક્ટર તેમના ગામમાં નવું દવાખાનું શરૂ કરનાર પ્રતિક જોશી જ છે. આ અંગે ગામના અમુક લોકોએ ડોક્ટરની પૂછપરછ કરી હતી. બાદમાં ડોક્ટર ગામમાંથી ફરાર થઈ ગયો હતો. ડોક્ટર ફરાર થઈ ગયા બાદ ગામના લોકોએ મકાનના બહાર ડોક્ટરના નામના બોર્ડ પર લાલ કલર લગાવી દીધો હતો.

(12:29 pm IST)
  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • રાજસ્થાનમાં ભાજપના પૂર્વ નગરસેવિકાનો આપઘાત : બૂંદીના ભાજપના પૂર્વ નગરસેવિકા મમતા વર્માએ ઘરકંકાસથી કંટાળીને ગળેફાંસો ખાદ્યો : ઇન્દિરા કોલોનીમાં રહેતા મમતાએ સાડીનો ફાસો બનાવી આપઘાત કર્યો : તેના પુત્ર સાથે ઝઘડો થતા અંતિમ પગલું ભર્યું access_time 11:52 pm IST