Gujarati News

Gujarati News

News of Wednesday, 13th June 2018

અમદાવાદ : ઓઇલ ચોરીનું મોટું કૌભાન્ડ ઝડપાયું : ટેન્કરોમાંથી ઓઈલની ચોરીની પર્દાફાશ

નારોલના પીપળજ ગામ ખાતે ચાલતા ઓઇલ ચોરી કૌભાંડ30 લાખનું ઓઇલ અને ત્રણ ટેન્કર-એક બોલેરો સહીત 66 લાખનો મુદ્દમાલ જપ્ત

અમદાવાદ : ઓઇલ ચોરીનું મોટું કૌભાન્ડ ઝડપાયું : ટેન્કરોમાંથી ઓઈલની ચોરીની પર્દાફાશ

અમદાવાદ :નારોલના પીપળજ ગામમાં ઓઇલ ચોરીનું મોટું કૌભાન્ડ ઝડપાયું છે :ટેન્કરોમાંથી ઓઈલની ચોરીની પર્દાફાશ તહ્યો છે ખાતે ચાલતા ઓઇલ ચોરી કૌભાંડ પર ડીસીપીની બાતમીથી તેમની ઓફિસનો સ્ટાફ અને કે ડિવિઝનના સ્કવોર્ડે રેડ કરી હતી. પેટ્રોલ પંપો પર આવતા ટેન્કરો પીપીળજગામે આવેલા કરમણ જકસી ભરવાડની જગ્યા પર ટેન્કરો લઇને જતા હતા. આ ટેન્કરોમાંથી ૧૦૦થી ૧૫૦ લીટર ઓઇલ ચોરી કરવામાં આવતુ હતુ. જેની બાતમી ડીસીપી ઝોન-૬ને મળતા તેઓએ રેડ કરાવતા ગફાર નામના શખસનુ સમગ્ર કૌભાંડ બહાર આવ્યુ હતુ. આ કૌભાંડમાં ૩૦ લાખ રુપિયાનુ ઓઇલ પકડાયુ હતુ અને ત્રણ ટેન્કરો એક બોલેરો સહિત ૬૬ લાખનો મુદ્દામાલ પકડાતા ચકચાર મચી ગઇ હતી. એસપી કે ડિવિઝનના સ્કવોર્ડે રેડ કરતા સ્થાનીક પોલીસ દોડતી થઇ ગઇ હતી.

  નારોલ પીપળજ ગામ ખાતે આવેલી કરમણ જકસીભાઇ ભરવાડની જગ્યા પર ગફાર નામનો કુખ્યાત આરોપી ઓઇલ ચોરી કૌભાંડ ચલાવતો હોવાની બાતમી ડીસીપી ઝોન-૬ને મળી હતી. ડીસીપી લાંબા સમયથી આ કૌભાંડ પર વોચ રખાવી હતી પરંતુ વારંવાર જગ્યા બદલતા હોવાથી આ કૌભાંડ પકડાતુ ન હતુ. દરમિયાનમાં ચોક્કસ બાતમી મળતા ડીસીપીએ પોતાની ઓફિસ અને કે ડિવિઝનના એસીપી સ્કવોર્ડેને આદેશ કરતા રેડ કરવામાં આવી હતી. જેમાં એક ટેન્કરમાંથી ઓઇલ કઢાતા પકડી પાડયા હતા. બીજી તરફ બે ટેન્કર તો ઓઇલ ગેરકાયદે કાઢવા માટે વેઇટીંગમાં ઉભા હતા.

  દરમિયાનમાં પોલીસે ત્રણ ટેન્કરો અને એક બોલેરો કબ્જે કરી હતી. જગ્યા પરથી પોલીસે ૩૦ લાખથી વધુની કિંમતનુ ઓઇલ પકડી પાડયુ હતુ. પોલીસે ઘટના સ્થળ પરથી કુલ ૬૫ લાખથી વધુનો મુદ્દામાલ કબ્જે કર્યો હતો. પોલીસે કૌભાંડ ચલાવનાર ગફારની શોધખોળ હાથ ધરી છે. બીજી તરફ ઓઇલ ટેન્કરોના માલિકો અને જે પેટ્રોલ પંપ પર ઓઇલ જતુ હતુ તેની તપાસ હાથ ધરી છે.

(12:00 am IST)
  • સુરતમાં ઝરમર : અમદાવાદમાં વાતાવરણમાં પલ્ટો : ધૂળની ડમરી ઉડી : સુરતમાં સવારે ઝરમર વરસાદ : વાતાવરણમાં ઠંડક પ્રસરી : અમદાવાદમાં જોરદાર પવન ફૂંકાયા, ધૂળની ડમરીઓ ઉડી access_time 3:43 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • અમરેલી જિલ્લા પોલીસ બેડામાં ધરખમ ફેરફાર : જિલ્લાના 18 પોલીસ અધિકારીઓની અરસપરસ બદલી : અન્ય 28 પોલીસ કર્મીઓને એલસીબી, એસઓજી, પેરોલ્ફલો સ્કોવ્ડ્માં નિમણૂકના હુકમો કરતા એસપી શ્રી નિર્લિપ્ત રાય : ધારી સીપીઆઈના શ્રી પી.વી.જાડેજાને સાવરકુંડલા ટાઉન પીઆઇની ફરજ સોંપાઈ access_time 11:00 pm IST