Gujarati News

Gujarati News

News of Monday, 13th May 2019

રાજકોટના ગોંડલમાં કરા સાથે વરસાદથી ઉત્તેજના

અમદાવાદમાં પારો ફરી એકવાર વધીને ૪૧ : ગુજરાતના જુદા જુદા ભાગોમાં અવિરત કમોસમી વરસાદ

અમદાવાદ,તા.૧૨ : રાજકોટ સહિત સૌરાષ્ટ્રના કેટલાક ભાગોમાં આજે પણ હવામાનમાં પલટો આવ્યો હતો અને ગાજવીજ સાથે વરસાદ થયો હતો. રાજકોટના ગોંડલમાં કરા સાથે વરસાદ પડ્યો હતો. કેટલાક અન્ય વિસ્તારમાં પણ કરા સાથે વરસાદ થયો હતો. હવામાનમાં એકાએક પલટો આવતા ધુળ ભરેલ આંધી પણ ચાલ હતી. જોકે, ગુજરાતમાં કેટલાક ભાગોમાં પારો ફરી વધી ગયો હતો. ગરમીનો અનુભવ લોકોએ કર્યો હતો. રાજ્યમાં સૌથી વધારે ગરમીનો અનુભવ આજે ગાંધીનગરમાં થયો હતો. જ્યા પારો ૪૧.૪ સુધી પહોચી ગયો હતો. અમદાવાદમાં મહત્તમ તાપમાન ૪૧ ડિગ્રી, રાજકોટમાં ૪૧.૯ સુધી પારો પહોંચ્યો હતો. સુરેન્દ્રનગરમાં પારો ૪૧ ડિગ્રી રહ્યો હતો. અગામી બે ત્રણ દિવસ દરમિયાન પ્રદેશના કેટલાક ભાગોમાં મહત્તમ તાપમાનમાં કોઈ ફેરફારની સ્થિતિ જોવા મળી ન હતી. બપોરના ગાળામાં ગરમીનો અનુભવ લોકોએ વધારે કર્યો હતો. રાજ્યના કેટલાક ભાગોમાં આજે પારો ૪૧થી ઉપર રહ્યો હતો. કોર્પોરેશન તરફથી કહેવામાં આવ્યું છે કે હાલમાં વાયરલ ઈન્ફેકશન અને ગરમીથી બચવા માટે લોકોએ કામ વગર બપોરના ગાળામાં ઘરથી બહાર નીકળવું જોઈએ નહીં. સાથે સાથે સાથે વધુ પ્રમાણમાં પાણી, છાશ અને પ્રવાહીનું સેવન કરવું જોઈએ. હળવા રંગના સુતરાઉ કપડા પહેરવા અને તડકામાં ફરવાનું ટાળવું જોઈએ. હવામાન વિભાગના કહેવા મુજબ લઘુત્તમ અને મહત્તમ તાપમાનમાં હાલમાં કોઈ વધારે ફેરફારની સ્થિતિ જોવા મળશે નહીં.  હિટવેવને લઇને કોઇપણ પ્રકારની ચેતવણી જારી કરવામાં આવી નથી જેથી સામાન્ય લોકોને રાહત થઇ છે. આગામી દિવસોમાં હવામાનની સ્થિતિ બદલાય તેવા સંકેત દેખાઈ રહ્યા છે. અમદાવાદમાં આજે મહત્તમ તાપમાન વધી ગયું હતું. હાલમાં નવસારી, સાપુતારા, વલસાડમાં વરસાદ થયો હતો. આ ઉપરાંત કચ્છમાં ધુળ ભરેલી આંધી ચાલી હતી. ગઈકાલે ઉત્તર ગુજરાતમાં કેટલાક ભાગોમાં કમોસમી વરસાદ થયો હતો. આજે સૌરાષ્ટ્રમાં અને ખાસ કરીને રાજકોટ અને આસપાસના વિસ્તારોમાં વરસાદ થયો હતો. ગઈકાલે શનિવારના દિવસે હવામાનમાં પલટો આવ્યા બાદ ઉત્તર ગુજરાતમાં જુદા જુદા ભાગોમાં વરસાદ થયો હતો. હવામાન વિભાગથી હિટવેવને લઈને કોઈપણ પ્રકારની ચેતવણી જારી કરવામાં આવી નથી. હવામાન વિભાગના કહેવા મુજબ અગામી ચાર દિવસ દરમિયાન મહત્તમ તાપમાનમાં કોઈ વધારે ફેરફાર થશે નહીં.

ક્યાં કેટલું તાપમાન.....

અમદાવાદ, તા. ૧૨ :ગુજરાતમાં ક્યાં કેટલું મહત્તમ તાપમાનમાં નોંધાયું તે નીચે મુજબ છે.

સ્થળ............................................. વરસાદ (ઇંચમાં)

અમદાવાદ....................................................... ૪૧

ડિસા............................................................ ૩૮.૩

ગાંધીનગર................................................... ૪૧.૪

વડોદરા........................................................ ૩૯.૪

સુરત........................................................... ૩૪.૪

અમરેલી.............................................................. -

ભાવનગર..................................................... ૩૭.૩

રાજકોટ........................................................ ૪૧.૯

વલસાડ........................................................ ૩૩.૪

સુરેન્દ્રનગર................................................... ૪૧.૩

પોરબંદર...................................................... ૩૨.૭

કંડલા એરપોર્ટ............................................... ૩૯.૫

ભુજ................................................................. ૪૦

વીવી નગર.................................................. ૩૯.૬

નલિયા............................................................ ૩૪

(8:35 am IST)
  • જમ્મુ-શ્રીનગર હાઇવે પર ફસાયેલા બિન સૈન્ય વાહનોને આગળ વધવાની મળી મંજૂરી :કાશ્મીરને દેશના અન્ય હિસ્સા સાથે જોડતા 270 કિલોમીટર લાંબો રાજમાર્ગ દરેક ઋતુમાં ચાલુ રહેવાવાળો એકમાત્ર માર્ગ છે access_time 1:09 am IST

  • યુપીના મુખ્યમંત્રી યોગી આદિત્યનાથે કહ્યું કોંગ્રેસ ભયભીત :મિશેલ મામા બાદ ભાણેજ પણ જેલમાં જશે :બલિયામાં જનસભા સંબોધતા યોગીએ રાહુલ ગાંધી પર આકરા પ્રહાર કર્યા :કહ્યું કે કોંગ્રેસની પરેશાની છે કે અગસ્તા વેસ્ટલેન્ડ હેલીકૉપટર સોદામાં દલાલી લેનાર ફરાર મામા ઈટાલીથી ધરપકડ થઈને આવી ગયા access_time 1:11 am IST

  • ભાજપએ ટીએમસી પર લગાવ્યો ચૂંટણી હિંસાનો આરોપ ;ફેરમતદાનની માંગણી :ઘોષ કેશપુર ક્ષેત્રમાં એક મતદાનકેદ્રમાં ભાજપ એજન્ટને લઇ જવાનો પ્રયાસ વેળાએ મહિલાઓના ટોળાએ કર્યો હુમલો access_time 1:11 am IST