Gujarati News

Gujarati News

News of Tuesday, 13th April 2021

સેવામાં સદાય અગ્રેસર BAPS સંસ્થાનું સ્તુત્ય પગલું: અટલાદરામાં BAPSના યજનાપુરુષ સભાગ્રહ ખાતે 500 બેડની COVID હોસ્પિટલની કામગીરી શરૂ

45 ઓક્સિજન સપોર્ટની જરૂરિયાતવાળા કોવિડ દર્દીઓને ગોત્રી હોસ્પિટલથી ખસેડાયા : સિવિલ વર્ક, ઇલેક્ટ્રિકલ વર્ક અને પાઇપડ ઓક્સિજન લાઇનો સ્થાપિત કરવા અને લિક્વિડ ઓક્સિજન ટેન્ક સહિતની સંપૂર્ણ તૈયારી: બે-ત્રણ દિવસમાં અહીં આઈસીયુ અને વેન્ટિલેટર પણ લગાવાશે: અન્ય સામાજિક - ધાર્મિક સંસ્થાઓને રાહ ચીંધાડનારું સેવાકાર્ય

સુરત : સેવાકાર્યોમાં સદાય અગ્રેસર રહેનાર BAPS સંસ્થાની સેવામાં વધુ એક છોગુ ઉમેરાયું છે અટલાદરા ખાતે BAPS ના યજનાપુરુષ સભાગ્રહ ખાતે 500 બેડ સમર્પિત COVID હોસ્પિટલના પ્રથમ તબક્કાની કામગીરી આજે શરૂ થઈ છે.

સિવિલ વર્ક, ઇલેક્ટ્રિકલ વર્ક અને પાઇપડ ઓક્સિજન લાઇનો સ્થાપિત કરવા અને લિક્વિડ ઓક્સિજન ટેન્ક સહિતની સંપૂર્ણ તૈયારીઓ પૂર્ણ કરાઈ છે જે ફક્ત ચાર દિવસમાં કરવામાં આવે છે.તેમજ આવતા બે-ત્રણ દિવસમાં અહીં આઈસીયુ અને વેન્ટિલેટર પણ લગાવવામાં આવશે

અત્યારે 45 ઓક્સિજન સપોર્ટની જરૂરિયાતવાળા કોવિડ દર્દીઓ ગોત્રી હોસ્પિટલથી અહીં ખસેડવામાં આવી રહ્યા છે તેમ શ્રી જ્ઞાનવત્સલ સ્વામીએ જણાવ્યું છે. .

(11:05 pm IST)
  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • આજે રાત્રે ૮:૩૦ વાગ્યે મહારાષ્ટ્રના મુખ્યમંત્રી ઉદ્ધવ ઠાકરે સંબોધન : સંભવતઃ લોકડાઉન અંગે મહત્વની જાહેરાત થવાની સંભાવના access_time 6:11 pm IST

  • પોરબંદર સુભાષનગર પોલીસ ચોકી પાછળ લાંગરેલા પાકિસ્તાની બોટમાં આગ લાગી કોઈ જાનહાનિ કે નુકસાન નથી access_time 11:53 pm IST