Gujarati News

Gujarati News

News of Tuesday, 13th April 2021

કોવિડનો કાળોકેર છતાં માર્ચમાં પ્રોપર્ટીના દસ્‍તાવેજોમાં ૧૦૬ ટકાનો ઉછાળો

ગુજરાત સરકારની સ્‍ટેમ્‍પ ડયુટીની આવકમાં પણ ૧૪૬ ટકાનો ઉછાળો નોંધાયોઃ ગયા વર્ષે રૂા. ૫૦૧ કરોડ હતી જે આ વર્ષે માર્ચમાં રૂા. ૧૨૩૫ કરોડ નોંધાઈ : માર્ચમાં રાજ્‍યમાં થયા કુલ ૧૬૧૬૯૩ દસ્‍તાવેજોઃ અગાઉના વર્ષમાં માર્ચ મહિનામાં થયા હતા ૭૮૫૮૪ દસ્‍તાવેજો

નવી દિલ્‍હી, તા. ૧૩ :. ગુજરાતમાં કોવિડ-૧૯ના કેસ અને મૃત્‍યુઆંકમાં થઈ રહેલો વધારો તથા વાયરસની વિવિધ ઔદ્યોગિક ક્ષેત્રો પર પડેલી માઠી અસર છતાં પણ માર્ચ મહિનામાં રાજ્‍યમાં પ્રોપર્ટી રજીસ્‍ટ્રેશનમાં ૧૦૬ ટકાનો ઉછાળો નોંધાયો છે એટલુ જ નહિ સ્‍ટેમ્‍પડયુટી અને રજીસ્‍ટ્રેશન ફીની આવકમાં પણ જબરો વધારો નોંધાયો છે ત્‍યારે પ્રશ્ન ઉઠે છે કે ગુજરાતમાં રીયલ એસ્‍ટેટમાં ક્‍યાં મંદી છે ?

માર્ચ ૨૦૨૧માં કોરોનાએ બિહામણુ સ્‍વરૂપ ધારણ કરવાનુ શરૂ કર્યુ ત્‍યારે જ તે ગાળામાં કુલ ૧૬૧૬૯૩ દસ્‍તાવેજો નોંધાયા હતા અને તેમાં ૧૦૬ ટકાનો ઉછાળો જોવા મળ્‍યો હતો. માર્ચ ૨૦૨૦માં ૭૮૫૮૪ દસ્‍તાવેજો નોંધાયા હતા એ અત્રે નોંધનીય છે.

સ્‍ટેમ્‍પડયુટી અને રજીસ્‍ટ્રેશન ફી કે જેનુ કલેકશન રાજ્‍ય સરકાર કરતી હોય છે તેમા પણ ૧૪૬ ટકાનો વધારો નોંધાયો છે અને તે ગયા વર્ષના રૂા. ૫૦૧ કરોડના કલેકશન સામે રૂા. ૧૨૩૫ કરોડનું કલેકશન આ વર્ષે માર્ચમાં થયુ હતું. દસ્‍તાવેજોની સંખ્‍યા તથા સ્‍ટેમ્‍પડયુટી અને રજીસ્‍ટ્રેશન ફીમાંથી સરકારને થયેલી આવક માર્ચમાં સૌથી વધુ રહી હતી. સૂત્રોના જણાવ્‍યા પ્રમાણે એપ્રિલથી જંત્રી મોંઘી થવાની છે તેવી અફવાને પગલે માર્ચ મહિનામાં સૌથી વધુ દસ્‍તાવેજો નોંધાયા હતા અને તેથી જ સ્‍ટેમ્‍પડયુટી અને રજીસ્‍ટ્રેશન ફીની આવકમાં વધારો નોંધાયો હતો.

સૂત્રોનું એવુ પણ કહેવુ છે કે ટેકસનો મહિનો હોય માર્ચમાં સૌથી વધુ દસ્‍તાવેજો નોંધાયા હતા.

કોરોના પહેલા ૨૦૧૯-૨૦ના વર્ષમાં રાજ્‍ય સરકારની સ્‍ટેમ્‍પડયુટી અને રજીસ્‍ટ્રેશન ફીની આવક રૂા. ૭૬૯૭ કરોડ હતી તે ૨૦૨૦-૨૧માં ૪ ટકા ઘટીને ૭૩૬૪ કરોડ થઈ હતી. એટલુ જ નહિ ૨૦૧૯-૨૦માં ૧૨ લાખ દસ્‍તાવેજો નોંધાયા હતા તેની સામે ૨૦૨૦-૨૧માં કુલ ૧૧.૪૮ લાખ દસ્‍તાવેજોની નોંધણી થઈ હતી.

(10:11 am IST)
  • આજે રાત્રે ૮:૩૦ વાગ્યે મહારાષ્ટ્રના મુખ્યમંત્રી ઉદ્ધવ ઠાકરે સંબોધન : સંભવતઃ લોકડાઉન અંગે મહત્વની જાહેરાત થવાની સંભાવના access_time 6:11 pm IST

  • રાજકોટ માર્કેટીંગ યાર્ડમાં કોરોનાનો રાફડો : ૧૦ કેસ : આવક બંધ કરી દેવાઈ : રાજકોટ માર્કેટીંગ યાર્ડમાં કોરોનાના ઍકસાથે ૧૦ કેસ આવતા નવી આવક સંપૂર્ણપણે બંધ કરી દેવામાં આવી છે : અગાઉના પડતર માલનો નિકાલ કરીને કામકાજ ચાલુ રાખવુ કે બંધ રાખવુ તે અંગે સત્તાધીશો વિચારણા કરી રહ્નાનું જાણવા મળે છે access_time 11:22 am IST

  • મહારાષ્ટ્ર સરકાર 12 લાખ શ્રમિકોને 1500 રૂપિયા, રિક્ષાચાલકોને 1500 તેમજ આદિવાસીઓને 2000 રૂપિયા આપશે : CM ઉદ્ધવ ઠાકરેએ જણાવ્યું છે કે "અમે 3300 કરોડ રૂપિયા માત્ર કોવિડ સંબંધિત સુવિધાઓ માટે અલગથી રાખ્યાં છે." : કુલ 5500 કરોડનું આર્થિક મદદનું પેકેજ ઉદ્ધવ સરકારે તૈયાર કર્યું છે તેમ જાણવા મળે છે. access_time 10:21 pm IST