Gujarati News

Gujarati News

News of Tuesday, 13th March 2018

કારની અડફેટે આવતા બે વિદ્યાર્થીઓના મોત

જુદા જુદા અકસ્માતોમાં નવના મોત

અમદાવાદ,તા. ૧૩ : બાવળાના રામનગર પાટિયા પાસે કારની અડફેટે આવતા બે વિદ્યાર્થીઓના મોત નિપજ્યા છે. ઘટનાની વિગત મુજબ ડ્રાઇવરે કાબુ ગુમાવતા કારે બંનેને અડફેટે લઇ લીધા હતા જેમાં એકનું ઘટનાસ્થળે જ મોત થયું હતું જ્યારે અન્ય વિદ્યાર્થીને હોસ્પિટલમાં લઇ જવાતા ઇજાના કારણે મોત થયું હતું. બીજી બાજુ ધોરણ ૧૦માં ૯૩ ટકા લાવનાર વિદ્યાર્થીએ હિંમતનગરમાં આપઘાત કરી લેતા સનસનાટી મચી ગઈ છે. ધોરણ ૧૨ની પરીક્ષાના આગલા દિવસે જ આ વિદ્યાર્થીએ આપઘાત કર્યો હતો. અકસ્માતના જુદા જુદા બનાવોમાં  કુલ નવના મોત ૨૪ કલાકમાં થયા છે. વઢવાણ નજીક રામપરા ખોલડિયાદ રોડ પર બનેલા કાર અકસ્માતમાં ત્રણ લોકોના મોત થયા છે જ્યારે પંચમહાલ જિલ્લામાં ઝાલોદ નજીક ટ્રક અને બુલેરો ટકરાતા ચાર લોકોના મોત થયા છે જ્યારે બાવળામાં કારની અડફેટે આવતા બે વિદ્યાર્થીના મોત થયા છે.

 

(10:56 pm IST)
  • રાજસ્થાનની ચૂંટણી જીતવા કોંગ્રેસે બુથ મેનેજમેન્ટનો મોટો પ્લાન બનાવ્યોઃ લોકસભાની ચૂંટણી સમયે પણ ઉપયોગ કરવા સંભવ : 'શકિત' નામના ડીજીટલ પ્લેટફોર્મનો ઉપયોગ કરી પક્ષના કાર્યકર્તાઓ અને મતદારોના આંકડા મેળવાશે access_time 4:26 pm IST

  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • કોલકતામાં ક્રિકેટર મોહમ્મદ શમીની પત્ની હસીન જહાંની પત્રકારો સાથે ઉદ્ધતાઇ : વીડીયો કેમેરો તોડી નાખ્યો : શમી અંગે પ્રશ્નો પૂછતા ઉશ્કેરાઇ ગઇ access_time 3:40 pm IST