Gujarati News

Gujarati News

News of Tuesday, 13th March 2018

બીટકોઈન મામલે શૈલેષ ભટ્ટ પાસેથી સીબીઆઈ અધિકારીએ પાંચ કરોડ કટકટાવ્યા!!:સીઆઇડીને મળ્યા સાક્ષી અને પુરાવા

સીબીઆઈને પૈસા ચૂકવવા માટે આંગડિયા દ્વારા પૈસા ગાંધીનગર આવ્યા હતા.

અમદાવાદ ;બીટકોઈન મામલે રોજબરોજ નવા ચોંકાવનારા ખુલાસા થઇ રહ્યાં છે જેમાં સુરતના બિલ્ડર અને અમરેલીના વતની શૈલેષ ભટ્ટ ઉપર બિટકોઈનનો કેસ કરવાની ધમકી આપી પહેલા સીબીઆઇના અધિકારીએ પાંચ કરોડ રોકડા કટકટાવ્યા હોવાનું બહાર આવ્યું છે ત્યાર બાદ અમરેલી પોલીસે 12 કરોડના બિટકોઇન લઈ લીધા હતા.આ મામલે શૈલેષ ભટ્ટ ખોટું બોલી રહ્યા છે તેવો  આરોપ થઈ રહ્યો હતો અને સીઆઇડી પણ તેમની ઉપર ભરોસો કરવા તૈયાર નહોતી.પરંતુ હવે સીઆઇડીને કેટલાંક સાક્ષી અને પુરાવા મળ્યા છે.જેમાં સીબીઆઈને પૈસા ચૂકવવા માટે આંગડિયા દ્વારા પૈસા ગાંધીનગર આવ્યા હતા તેવી વિગતો મળી છે .

  શૈલેષ ભટ્ટે સીઆઇડીને આપેલી ફરિયાદ મુજબ સીબીઆઈ અધિકારી સુનિલ નાયરને તેમની ઓફિસમાં 50 લાખ ગત તા. 6 ફેબ્રુઆરીના રોજ ચૂકવાય હતા અને 9 ફેબ્રુઆરીના રોજ સાડા ચાર કરોડ ચૂકવાય હતા.ત્યારે ખરેખર આવો કોઈ વ્યવહાર થયો છે કે નહીં તે તપાસવા માટે સીઆઇડી દ્વારા આંગડિયા પેઢીના કર્મચારીને બોલાવવવામાં આવ્યા હતા. જેમાં કેટલીક મહત્વની જાણકારી મળી હતી.

   આંગડિયા પેઢીના કર્મચારીના નિવેદન પ્રમાણે શૈલેષ ભટ્ટ દ્વારા સુરતની પી.વિજયકુમાર પેઢીમાં 2 ફેબ્રુઆરીમાં 14 કરોડ મુંબઈના પી ડી.જાડેજાના નામે મોકલવામાં આવ્યા હતા,તે પૈકી રૂપિયા ચાર કરોડ 8 ફેબ્રુઆરી અને 60 લાખ 9 ફેબ્રુઆરીના રોજ ગાંધીનગરમાં ચૂકવવવામાં આવ્યા હતા. આમ સાડા ચાર કરોડ શૈલેષ ભટ્ટે ગાંધીનગર મંગાવ્યા હોવાના પુરાવા મળ્યા છે.

 ગાંધીનગરમાં આ પૈસા શૈલેષ ભટ્ટના ભાગીદાર કિરીટ પાલડીયા પોતાની કારમાં મૂકી સુનિલ નાયરને ઘરે ગયા હતા. હવે સીઆઇડીએ પાલડીયા અને નાયર વચ્ચેના સંબંધો પ્રસ્થાપિત કરવાના છે. બીજી તરફ શૈલેષ ભટ્ટ કેન્દ્રીય ગૃહ મંત્રી રાજનાથસિંહ સમક્ષ રજુઆત કરવા દિલ્હી પહોંચ્યા છે. તેઓ ગાંધીનગર આવી સીઆઇડી સામે પોતાનો વધારાનો જવાબ રજૂ કરશે.

(10:46 pm IST)
  • ઈન્ડિગોએ તેની ૩૨૦ એરબસના ૯ વિમાનો ઉડ્ડયનમાંથી દૂર કર્યાઃ ૪૭ ફલાઈટો રદ થઈઃ અમદાવાદથી લખનૌ જતા પ્લેનનું એન્જીન હવામાં બંધ થઈ જતા : ઈન્ડિગો અને ગો-એર પાસે એ-૩૨૦ નીયો સિરીઝના ૧૧ વિમાનોઃ હવે આ બધા વિમાનમાં નવા એન્જીન લગાડાશેઃ ઉડાન ભર્યા પછી અથવા હવામાં એન્જીનો એની મેળે બંધ થઈ જતા હતા access_time 11:28 am IST

  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST