Gujarati News

Gujarati News

News of Tuesday, 13th March 2018

સુરતમાં ૩પ દિવસમાં પેમેન્ટ ચૂકવી દેવાનો વાયદો કરીને રૂૂ.૮૪ લાખની છેતરપિંડી કરનાર પિતા વિલાસરામ જાજુની ધરપકડઃ પુત્ર આકાશ નાસી ગયો

સુરતમાં ૩પ દિવસમાં પેમેન્ટ ચૂકવી દેવાનો વાયદો કરીને રૂૂ.૮૪ લાખની છેતરપિંડી કરનાર પિતા વિલાસરામ જાજુની ધરપકડઃ પુત્ર આકાશ નાસી ગયો

સુરતઃ કાપડની ખરીદી માટે ૩પ દિવસમાં પેમેન્‍ટ ચૂકવી આપવાનું કહીને નાણાં ન ચૂકવનાર પિતા-પુત્ર સામે ફરિયાદ બાદ પોલીસે પિતાની ધરપકડ કરી લીધી છે. જ્યારે પુત્ર નાસી છૂટતા તેની શોધખોળ હાથ ધરી છે.

કાપોદ્રા ચાર રસ્તા ક્રિષ્ના ઈન્ડસ્ટ્રીયલ ઍસ્ટેટમાં સીયરા ટેક્સટાઈલ પાવરલુમ્સ કારખાનેદાર પાસેથી ૩૫ દિવસમાં પેમેન્ટ ચૂકવી આપવાના વાયદે વેટલેસ્ટ ગ્રે કાપડનો માલ ખરીદ્યા બાદ રૂ. ૮૪ લાખની ઠગાઈ કરનાર ઘોડદોડ રોડ વિસ્તારમાં રહેતા ચીટર જાજુ પિતા પુત્ર પૈકી પિતા વિલાસરામ જાજુની પોલીસે ધરપકડ કરી છે. જયારે પુત્ર આકાશ ભૂગર્ભમાં નાસી ગયો છે.

મોટા વરાછા યમુના ચોક રીવરહેવન ખાતે રહેતા પ્રશાંતકુમાર ધરમશી પટેલ કાપોદ્રા ચાર રસ્તા પાસે ક્રિષ્ના ઈન્ડસ્ટ્રીયલ ઍસ્ટેટમાં સીયરા ટેક્સટાઈલના નામે કારખાનું ધરાવે છે. પ્રશાંતકુમાર પાસેથી ૧૮મી જાન્યુઆરી ૨૦૧૭ના રોજ આકાશ વિલાસરામ જાજુ અને તેના પિતા વિલાસરામ જાજુ (રહે, ઘોડદોડ રોડ સૂર્યકિરણની ગલીમાં, મેઘધનુષ ઍપાર્ટમેન્ટ) મોટી મોટી વાતો કરી વિશ્વાસમાં લઈ ૩૫થી ૪૫ દિવસમાં પેમેન્ટ ચૂકવી આપવાનો વાયદો કરી રૂ. ૧,૧૫,૧૨,૪૦૭નો વેટ્લેસ્ટ નામનો કાપડનો માલ ખરીદ્યો હતો. જાકે ચીટર જાજુ પિતા પુત્રઍ વાયદા પ્રમાણે પેમેન્ટ નહીં ચૂકવતા પ્રશાંતકુમારે ઉઘરાણી શરૂ કરી હતી. જેમાં ટુકડે ટુકડે કરી ૩ લાખ ચૂકવ્યા હતા જયારે રૂ. ૧૬,૭૬,૭૮૩ હવાલો પાડ્યો હતો. ત્યારબાદ પ્રશાંતકુમાર બાકીના લેવાના નીકળતા રૂ. ૮૩,૯૯,૯૨૪ની અવાર નવાર ઉઘરાણી કરતા અલગ અલગ બેન્કના ચેકો આપ્યા હતા જે ચેક પ્રશાંતકુમારે તેમના બેન્ક ખાતામાં જમા કરાવતા રિર્ટન થયા હતા. પ્રશાંતકુમારને ખ્યાલ આવી ગયો હતો કે જાજુ પિતા-પુત્ર દ્વારા તેમની પાસેથી કાપડનો માલ ખરીદ્યા બાદ ઠગાઈ કરવામાં આવલી છે જેથી પિતા-પુત્ર સામે પોલીસમાં ફરિયાદ નોંધાવી હતી.

સૂત્રોના જણાવ્યા મુજબ આરોપી વિલાસરામ જાજુઍ તેની સામે ગુનો દાખલ ન થાય તે માટે કાપોદ્રા પોલીસ પર ભારે દબાણ કર્યું હતું પરંતુ કાપોદ્રા પીઆઈ ઍન.ડી.સોલંકી દબાણમાં ન આવી ચીટર પિતાપુત્ર સામે ગુનો દાખલ કર્યો હતો અને ઝડપી પાડવા માટે તેના ઘરે તપાસ હાથ ધરી વિલાસરામ જાજુને ઝડપી પાડ્યો હતો જયારે આકાશ ભૂગર્ભમાં નાસી ગયો હોવાથી હાથમાં આવયો ન હતો.

પાવરલુમ્સના કારખાનેદાર પાસેથી ૮૪ લાખનો કાપડનો માલ લીધા બાદ પેમેન્ટ નહીં ચૂકવી ઠગાઈ કરનાર આકાશ જાજુ ક્રિકેટ મેચ પર સટ્ટો રમવાનો ભારે શોક ધરાવે છે. ક્રિકેટના સટ્ટામાં લાખો રૂપિયા ગુમાવ્યા છે. સૂત્રોનું માનીએ તો આકાશ જાજુઍ પોતાના ક્રિકેટ મેચ પર સટ્ટો રમવાના સહિતના મોજશોખ પૂરો કરવા તેમજ બુકીઓને પૈસા ચૂકવવા માટે મિત્રો પાસેથી કોઈના કોઈ બહાને લાખો રૂપિયા હાથ ઉછીના લીધા બાદ તેમની સાથે પણ ઠગાઈ કરી છે. આકાશ સામે આગામી દિવસોમા અન્ય ગુના દાખલ થાય તો નવાઈ નહીં.

(8:11 pm IST)
  • વિદેશની કાનૂની કંપનીઓ ભારતમાં પોતાની ઓફિસો ઉભી કરી નહિ શકેઃ સુપ્રીમ કોર્ટે 'ફોરેન લો ફર્મ્સ'ના કેસમાં મહત્વનો ચૂકાદો આપ્યો access_time 3:57 pm IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • ઈન્ડિગોએ તેની ૩૨૦ એરબસના ૯ વિમાનો ઉડ્ડયનમાંથી દૂર કર્યાઃ ૪૭ ફલાઈટો રદ થઈઃ અમદાવાદથી લખનૌ જતા પ્લેનનું એન્જીન હવામાં બંધ થઈ જતા : ઈન્ડિગો અને ગો-એર પાસે એ-૩૨૦ નીયો સિરીઝના ૧૧ વિમાનોઃ હવે આ બધા વિમાનમાં નવા એન્જીન લગાડાશેઃ ઉડાન ભર્યા પછી અથવા હવામાં એન્જીનો એની મેળે બંધ થઈ જતા હતા access_time 11:28 am IST