Gujarati News

Gujarati News

News of Tuesday, 13th March 2018

વડોદરામાં રેશનકાર્ડ સાથે આધારકાર્ડ લીંક ન થતા ઝોનલ ઓફિસમાં હોબાળોઃ તાળાબંધીનો પ્રયાસ

વડોદરાઃ વડોદરા સહિત સમગ્ર રાજ્યમાં હાલ રાશન કાર્ડને આધાર સાથે લિંક કરવું ફરજીયાત કરવામાં આવ્યું છે અને જ્યાં સુધી આધાર લિંક નહિ થાય ત્યાં સુધી અનાજ આપવામાં નહિ આવે તેવી જાહેરાત પણ કરાયેલા છે. ત્યારે આજે જે લોકો આધાર લિંક કરાવવા આવ્યા તે લોકોને સર્વર ડાઉનની તકલીફનો સામનો કરવો પડ્યો હતો. પોતાનું કામ ન થતા હાલાકીનો સામનો કરવો પડ્યો અને આ સમસ્યા માત્ર આજે એક દિવસ નહીં પરંતુ ઘણા દિવસથી લોકો પરેશાન હતા. આજે લોકોનો ગુસ્સો વધી જતા તેમણે ઓફિસમાં હોબાળો મચાવ્યો હતો. રોષે ભરાયેલા લોકોને સાથ આપવા સામાજિક કાર્યકર ચંદ્રિકા સોલંકી પણ તેમની સાથે જોડાયા હતા. અધિકારીઓ સાથે રજુઆત કર્યા બાદ સંતોષકારક જવાબ ન મળતા ઓફિસને તાળાબંધી કરવાનો પ્રયાસ કરાયો હતો.

લોકોનો ગુસ્સો ઝોનલ કચેરીના અધિકારી પર ઉતરતા સ્થળ પર હાજર અધિકારીએ જણાવ્યું હતું કે, આ માત્ર સમસ્યા સર્વર ડાઉનના લીધે થઇ રહ્યું છે અને જલ્દી આ તમામ લોકોની સમસ્યાનું સમાધાન કરવામાં આવશે.

(7:57 pm IST)
  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • કોલેજના કલાસમાં ઘુસી વિદ્યાર્થીએ લેકચરરને ૩ ગોળી ધરબી દીધી: હરીયાણાના સોનીપતમાં એક વિદ્યાર્થીએ પિપલીની સરકારી કોલેજમાં ઘુસીને સરાજાહેર લેકચરર ઉપર ૩ ગોળીઓ ધરબી દેતા લોહીલોહાણ હાલતમાં મૃત્યુ નિપજેલ છે : આ સ્ટુડન્ટ ભાગી ગયો છે, ભારે ભય ફેલાયો છે access_time 3:39 pm IST

  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST