Gujarati News

Gujarati News

News of Tuesday, 13th March 2018

પીસીબીની ટીમે વોચ ગોઠવીને નવ મહિનાથી નાસતા ફરતા બુટલેગર પ્રદીપને રંગે હાથે ઝડપ્યો

વડોદરા:તડીપારના હુકમની બજવણી ના થાય તે હેતુસર નવ મહિનાથી નાસતા ફરતા બૂટલેગરને પીસીબીની ટીમે વોચ ગોઠવીને ઝડપી પાડયો છે. નામચીન બૂટલેગર પ્રદિપને ૧૧ વખત પાસા થઇ છે.

આ અંગેની વિગત એવી છે કે, વાઘોડિયા રોડની પરિવાર સોસાયટીમાં રહેતા નામચીન બૂટલેગર પ્રદિપ ઉર્ફે જાડિયો ઠાકોરભાઇ ઠક્કરની વિરૃધ્ધ ગત ૧૬-૬-૨૦૧૭ના રોજ તડીપારનો હુકમ થયો હતો. આ હુકમની બજવણી ના થાય તે હેતુસર બૂટલેગર પ્રદિપ ઠક્કર નાસતો ફરતો હતો.

દરમિયાનપીસીબીને માહિતી મળી હતી કે, પ્રદિપ ઉર્ફે જાડિયો ઘરે આવ્યો છે. જેથી પીસીબીના ઇન્ચાર્જ પીઆઇ એચ.એમ. વ્યાસે પ્રદિપ ઉર્ફે જાડિયાને ઘરે જઇને ઝડપી પાડયો હતો, અને તડીપારના હુકમની આગળની કાર્યવાહી માટે પ્રદિપને પાણીગેટ પોલીસને સુપરત કરવામાં આવ્યો છે.

ઉલ્લેખનીય છે કે પ્રદિપ ઉર્ફે જાડિયા વિરૃધ્ધ અગાઉ પ્રોહિબિશન, લૂંટ જેવા ગંભીર ગુનાઓ નોધાયા છે. એક પીએસઆઇની હત્યાની કોશિશ કરવાનો ગુનો પણ પ્રદિપ વિરૃધ્ધ નોધાયો છે. આરોપી અગાઉ ૧૧ વખત પાસા હેઠળ રાજ્યની જુદી જુદી જેલોમાં જઇ આવ્યો છે.

(6:28 pm IST)
  • મેકિસકોઃ હિંસાને કારણે ૨૪ કલાકમાં ૧૬ના મોત : મેકિસકોના ગુરેરોમાં છેલ્લા ૨૪ કલાકમાં હિંસાની જુદી-જુદી ઘટનાઓમાં કુલ ૧૬ના મોત થયા access_time 12:55 pm IST

  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST