Gujarati News

Gujarati News

News of Tuesday, 13th March 2018

ધનસુરા-મોડાસાની શિકા ચોકડી નજીક ટ્રક પલ્ટી મારતા આગ ભભૂકી

ધનસુરા:ધનસુરા-મોડાસા રોડ પર આવેલ શીકા ચોકડી પાસે ગત રાત્રી દરમિયાન માલ સામાન ભરેલી ટ્રક પલ્ટી ખાઈ જતાં ટ્રકમાં આગ ભભૂકી ઉઠી હતી ત્યારે રોડ પર લોકોના ટોળેટોળા ઉમટી પડયા હતા.

શીકા ચોકડી પર સોમવારની વહેલી સવારના પરોઢીયે ટ્રક રોડની સાઈડમાં પલ્ટી ખાઈ ગઈ હતી.ત્યારે માલ સામાન ભરેલી ટ્રકમાં એકાએક આગ ભભૂકી ઉઠી હતી. ત્યારે મોડાસા ફાયર ફાયટરને જાણ કરતાં ફાયર ફાયટર ઘટના સ્થળે આવી પહોંચી આગને કાબુમાં લીધી હતી.

ટ્રકમાં આગ લાગતાં ધુમાડાના ગોટેગોટા નીકળતાં આજુબાજુના લોકોના ટોળેટોળા ઉમટી પડયા હતા.જોકે ઘટનામાં ટ્રક પલ્ટી ખાઈ જતાં ચાલક ઈમરાન હાજી રહે.સીલખો, જી.મેવાડ નાઓને શરીરે ઈજાઓ થતાં વાત્રક હોસ્પીટલ ખાતે ખસેડવામાં આવ્યો હતો.જયારે રોડ હાઈવે પર ઘટના બનતાં ટ્રાફીક જામના દ્દશ્યો સર્જાયા હતા.ધનસુરા પોલીસને જાણ થતાં પોલીસ ઘટના સ્થળે પહોંચી જઈ ટ્રાફીક હળવો કરાવ્યો હતો.

(6:17 pm IST)
  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • ગુજરાતના પૂર્વ પોલીસ ઓફિસર ડી.જી. વણઝારાએ ઈસરત જહાં એન્કાઉન્ટર કેસમાં ડીસ્ચાર્જની માંગણી કરીઃ આરોપો ઉભા કરાયેલા છેઃ મોદીની પણ સીબીઆઈ એ પૂછપરછ કરી હતી : ઈસરત જહાં કેસમાં ડીસ્ચાર્જ માગતા વણઝારાઃ પીએમનો ઉલ્લેખ access_time 11:21 am IST

  • વિદેશની કાનૂની કંપનીઓ ભારતમાં પોતાની ઓફિસો ઉભી કરી નહિ શકેઃ સુપ્રીમ કોર્ટે 'ફોરેન લો ફર્મ્સ'ના કેસમાં મહત્વનો ચૂકાદો આપ્યો access_time 3:57 pm IST