Gujarati News

Gujarati News

News of Tuesday, 13th March 2018

અનારા તેમજ છાપરા પાટિયા નજીક સર્જાયેલ અકસ્માતમાં બે ઈજાગ્રસ્ત

કઠલાલ:તાલુકાના અનારા સૂરજપુરા સીમમાં તેમજ મહેમદાવાદના છાપરા પાટીયા નજીક અકસ્માત સર્જાયો હતો. અકસ્માતમાં બે જણાંને ઈજા થઈ હતી.
પોલીસ સુત્રોમાંથી મળેલ વિગત મુજબ મહુધા તાલુકાના સાયલામાં રહેતા પ્રતાપભાઈ શનાભાઈ સોઢા ગત તા --૧૮ ના રોજ કઠલાલ તાલુકાના અનારા સૂરજપુરા સીમમાંથી ચાલતા જતા હતા. ત્યારે ટ્રેક્ટર નં જીજે ૦૭ બીએન ૭૮૧૬એ ઓવરટેક કરી પ્રતાપભાઈ સોઢાને પાછળથી ટ્રોલી અથડાવી પાડી દીધા હતા. જેથી ટ્રેક્ટરના ટ્રોલી જમણાં પગ પર ફરી વળતાં પગ ભાગી ગયો હતો. જ્યારે છાતીના ભાગે કચ્ચર ઈજા થઈ હતી. બનાવ અંગે પ્રતાપભાઈ શનાભાઈ સોઢાએ કઠલાલ પોલીસમાં ફરીયાદ નોંધાવતા પોલીસે ટ્રેક્ટર ચાલક સામે ગુનો નોંધી કાયદેસર કાર્યવાહી હાથ ધરી છે.
જ્યારે બીજા બનાવમાં મહેમદાવાદ તાલુકાના છાપરા પાટીયા નજીકથી ખોડાભાઈ ડાભી ગત તા --૧૮ની રાત્રે મોટરસાયકલ નં જીજે ૦૬ જેઆર ૬૬૧૩ પાછળથી ટક્કર મારી પાડી દીધા હતા. જેથી ખોડાભાઈ ડાભીને ઈજા થઈ હતી. બનાવ અંગે મહેમદાવાદ પોલીસે ગુનો નોંધી કાયદેસર કાર્યવાહી હાથ ધરી છે.

(6:15 pm IST)
  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST

  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા:2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા. access_time 6:24 pm IST

  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST