Gujarati News

Gujarati News

News of Tuesday, 13th March 2018

ઓસ્‍ટ્રેલિયન મહિલા ક્રિકેટ ટીમ વડોદરાની અભયમ્ અને નારી સંરક્ષણ ગૃહની મુલાકાતેઃ મહિલાઓની સુરક્ષા અંગે થતી કામગીરીથી પ્રભાવિત

વડોદરાઃ વડોદરાની મહેમાન બનેલી ઓસ્ટ્રેલિયાની વુમન ક્રિકેટ ટીમે આજે વડોદરાના મહિલા પોલીસ મથકની મુલાકાત લીધી હતી. 

 

એક સામાજિક સંસ્થાના નેજા હેઠળ પોલીસ મથકની મુલાકાત લેનાર ઓસ્ટ્રેલિયન ટીમ ગુજરાત સરકાર દ્વારા મહિલાઓની સુરક્ષા અંગેની થઇ રહેલી કામગીરીથી પ્રભાવિત થઇ હતી. 

ઓસ્ટ્રેલિયન ટીમને ગુજરાત સરકારની અભયમ, નારી સંરક્ષણ ગૃહના ઉપસ્થિત રહેલા સભ્યોએ મહિલાઓ અંગે કેવી રીતે કામ કરવામાં આવે છે. તેની જાણકારી આપી હતી. ખાસ કરીને ઘરેલુ હિંસાના બનાવોમાં અભયમ તેમજ મહિલા પોલીસ કેવી રીતે કામ કરે છે. તેની સવિસ્તાર માહિતી આપવામાં આવી હતી. 

શહેરના ભૂતડીઝાંપા પાસે આવેલ મહિલા પોલીસ મથકમાં ઓસ્ટ્રેલિયન ટીમ એક કલાક ઉપરાંત રોકાઇ હતી અને ગુજરાત સરકારની મહિલા માટે કામ કરતી સંસ્થાઓના સભ્યો સાથે ચર્ચા-વિચારણા કરી હતી. ઓસ્ટ્રેલિયન મહિલા ક્રિકેટ સાથે ચર્ચા કરનાર મહિલા સભ્યોએ જણાવ્યું હતું કે, ગુજરાત સરકાર મહિલાઓ માટે જે કામગીરી કરી રહી છે. તેનાથી ઓસ્ટ્રેલિયન ટીમના ખેલાડીઓ પ્રભાવિત થયા હતા. મહિલા પોલીસ મથકના પોલીસ અધિકારીએ ઓસ્ટ્રેલિયન ટીમને બુકે આપીને સ્વાગત કર્યું હતું.

(4:55 pm IST)
  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST

  • ઈન્ડિગોએ તેની ૩૨૦ એરબસના ૯ વિમાનો ઉડ્ડયનમાંથી દૂર કર્યાઃ ૪૭ ફલાઈટો રદ થઈઃ અમદાવાદથી લખનૌ જતા પ્લેનનું એન્જીન હવામાં બંધ થઈ જતા : ઈન્ડિગો અને ગો-એર પાસે એ-૩૨૦ નીયો સિરીઝના ૧૧ વિમાનોઃ હવે આ બધા વિમાનમાં નવા એન્જીન લગાડાશેઃ ઉડાન ભર્યા પછી અથવા હવામાં એન્જીનો એની મેળે બંધ થઈ જતા હતા access_time 11:28 am IST

  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા:2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા. access_time 6:24 pm IST