Gujarati News

Gujarati News

News of Tuesday, 13th February 2018

ખેતરના રસ્તાનું છીંડું ખોલવા બાબતે મહિલાને ગાળો દઈને ડોલ ભરીને મોઢા ઉપર મરચાવાળું પાણી રેડ્યું

બોરસદના મલાવ ગામની સીમનો બનાવ :કાશીબેનને અપમાનિત કરવા સબબ એસ્ટ્રોસિટી એક્ટ હેઠળ ગુન્હો

બોરસદ:તાલુકાના ઉમલાવ ગામની સીમમાં આવેલ ખેતરમાં છીંડુ ખોલવા બાબતે મહિલાને અપમાનિત કરીને ડોલ ભરીને મરચાવાળુ પાણી મોઢાના ભાગે રેડતાં મહિલાની આંખોમાં બળતરા થવા પામી હતી. આ અંગે પોલીસે ગુનો દાખલ કરીને કાર્યવાહી હાથ ઘરી છે. 

  આ અંગેની વિગત મુજબ ઉમલાવ ગામે રહેતા કાશીબેન ગોરધનભાઈ વણકર પોતાનું ખેતર ખેડવાનું હોય પુત્રવધુ સુશીલાબેન સાથે ખેતરે ગયા હતા અને ખેતરના રસ્તામાં આવેલું છીંડુ ખોલવા જતાં ફતેસિંહ મેરૂભાઈ જાદવ આવી ચઢ્યા હતા અને ગમે તેવી ગાળો બોલીને અપમાનિત કરી પ્લાસ્ટીકની ડોલ ભરેલું પાણી કાશીબેનના મોઢા ઉપર રેડતાં મરચા જેવી બળતરા થવા પામી હતી.દરમિયાન  ફતેસિંહભાઈનું ઉપરાણું લઈને મોહનભાઈ ફતેસિંહ જાદવ તથા જગદીશભાઈ ફતેસિંહ જાદવ આવી ચઢ્યા હતા અને તેઓએ પણ જ્ઞાતિવાચક અપશબ્દો બોલ્યા હતા. આ અગે પોલીસે એટ્રોસીટી એક્ટની જુદી-જુદી કલમો હેઠળ ગુનો દાખલ કરીને તપાસ હાથ ઘરી છે

(9:25 pm IST)
  • રીલીઝ થયાના ચાર જ દિવસમાં 'પેડમેન'એ કરી છપ્પરફાળ કમાણી : સોમવારે, ચોથા દિવસે ફિલ્મનું બોક્ષઓફીસ પર ૪૨.૨૫ કરોડ રૂપિયાનું કલેક્શન નોન્ધાયુતું : હજુ પણ ફિલ્મ ખુબ તગળી કમાણી કરશે તેમ ફિલ્મ ક્રિટીક્સનું માનવું છે access_time 6:44 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • શ્રીનગરના કરન નગર વિસ્તારના બિલ્ડીંગમાં છુપાયેલા ત્રાસવાદીઓ અને સલામતી દળો વચ્ચે સવારથી ફરી એન્કાઉન્ટર શરૂ : જમ્મુના રાઈપુર દોમાના વિસ્તારમાં સલામતી દળો દ્વારા સર્ચ ઓપરેશન પૂરજોશમાં ચાલુ : હેલીકોપ્ટરની મદદ લેવાઈ access_time 11:38 am IST