Gujarati News

Gujarati News

News of Tuesday, 13th February 2018

કામરેજના દેરોડા નજીક ટેમ્પો પલ્ટી ખાતા 2 બાળક સહીત 20મહિલા ઈજાગ્રસ્ત

બારડોલી: તાલુકાના રૃવા ભરમપોરથી મહિલાઓને બેસાડી કામરેજના દેરોડ ગામે બેસણામાં જઈ રહેલો ટેમ્પો શામપુરા ગામનાં સીમમાં પલટી ગયો હતો. જેમાં ચાલક, ૨ બાળક અને ૨૦ મહિલા મળી કુલ ૨૩ જણાને ઈજા થતાં સારવાર અર્થે બારડોલીની સરદાર સ્મારક હોસ્પિટલમાં ખસેડવામાં આવ્યા હતા.

બારડોલી સરદાર સ્મારક હોસ્પિટલમાંથી મળતી માહિતી અનુસાર ભરમપોર ગામે રહેતા દિનેશભાઈ કેશવબાઈ હળપતિના સસરાનું ગત મંગળવારના રોજ અવસાન થયું હતું. આજે તેમનું બેસણું રાખ્યું હતું. દિનેશે પોતાના ગામની મહિલાઓને સસરાનાં બેસણામાં લઈ જવા માટે ટાટા એસ ટેમ્પોની વ્યવસ્થા કરી હતી.

સોમવારના રોજ સવારે ભોજ ગામના શંકરભાઈ હળપતિના ટેમ્પો (નં.-જીજે-૬-ઝેડઝેડ-૧૩૬૦) માં બેસીને લગભગ ૨૧ મહિલાઓ અને ૨ બાળકો મળી કુલ ૨૩ જણા દેરોડ જવા માટે નીકળ્યા હતા. તેમનો ટેમ્પો વિહાણ-શામપુરા રોડ પરથી પસાર થઈ રહ્યો હતો. તે સમયે શામપુરા ગામની સીમમાં ચાલક શંકરભાઈએ સ્ટેયરીંગ પરથી નિયંત્રણ ગુમાવી દેતાં ટેમ્પો રોડ પર જ પલટી મારી ગયો હતો.

ટેમ્પામાં સવાર મહિલાઓની ચીસાચીસ સાંભળી આસપાસના રહીશો સ્થળ પર દોડી આવ્યા હતા અને બચાવ કામગીરી હાથ ધરી હતી. ટેમ્પોમાં સવાર તમામને સુરક્ષિત બહાર કાઢી ૧૦૮ એમ્બ્યુલન્સની મદદથી બારડોલીની સરદાર હોસ્પિટલમાં ખસેડવામાં આવ્યા હતા. જ્યાં તાત્કાલિક સારવાર વિભાગમાં સારવાર શરૃ કરી દેવામાં આવી હતી.

(6:40 pm IST)
  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • મધ્યપ્રદેશમાં પણ ભારે વરસાદ સાથે બરફના કરા વરસ્યા : વીજળી ત્રાટકતા ૪ના મોત, ૭ ઘાયલ : ભોપાલ - ગ્વાલિયર - નરસિંહપુર, ડબરાભીંડ અને ઓચ્છામાં વરસાદઃ ભારે વરસાદ સાથે બરફના કરાનો વરસાદઃ ખેડૂતો ભારે ચિંતામાં access_time 12:36 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST