Gujarati News

Gujarati News

News of Tuesday, 13th February 2018

ઓલપાડના સાયણમાં રેસિડેન્સીમાં ધમધમતા જુગારધામ પર પોલીસના દરોડા: 7 શકુનિઓની 10 હજારના મુદામાલ સાથે ધરપકડ

ઓલપાડ:તાલુકાના સાયણ ગામે આવેલા સુર્યમ રેસીડન્સીમાં રૃમમાં જુગાર રમતા ૭ શખ્સોને પોલીસે ઝડપી પાડી રોકડા રૃ. ૧૦,૨૩૦, સાત મોબાઈલ ફોન, ત્રણ બાઈક અને ઓટો રીક્ષા સહીત રૃ. ૧,૨૯,૫૩૦ નો મુદ્દામાલ કબ્જે કર્યો હતો. જુગાર રમાડનાર પોલીસની રેડમાં ભાગી જતા વોન્ટેડ જાહેર કર્યો હતો.

સાયણ ગામે સુર્યમ રેસીડન્સીમાં ગ્રાઉન્ડ ફલોરના રૃમમાં કેટલાક શખ્સો પત્તાપાનાનો હારજીતનો જુગાર રમતા હોવાની બાતમી મળતા ઓલપાડ પોલીસની ટીમે ગતરોજ સાંજના સાતેક વાગે છાપો માર્યો હતો.

પોલીસે તીનપત્તીનો હારજીતનો જુગાર રમતા હિતેશ બિપીનભાઈ પટેલ (ઉ.વ.૩૨, રહે. આદર્શનગર, સાયણ, તા.ઓલપાડ), કવિરાજ ગીંડ (ઉ.વ.૩૫, હાલ રહે-આદર્શનગર, સાયણ. મૂળ રહે-પોલસરા, જિ. ગંજામ, ઓરિસ્સા), સંગ્રામ પુન્નાચંદ્ર જૈના (ઉ.વ.૩૮, રહે-આદર્શનગર, સાયણ, મૂળ રહે-પાટલીપંક, જિ. કેન્દ્રપાડા, ઓરિસ્સા), મિટુ મીંગરાજ માંજી (ઉ.વ.૨૨, હાલ રહે-મિલનનગર સોસાયટી, રાંદર માતાના મંદિરની પાછળ, સાયણ. મૂળ રહે-મંડલ, જિ.કેન્દ્રપાડા, ઓરિસ્સા), દિવ્યેશ લલ્લુભાઈ પટેલ(રહે. સાયણ), ટુલ્લુ નરસુભાઈ પહાન(ઉ.વ.૩૨, હાલ રહે-આદર્શનગર, સાયણ, મૂળ રહે-કમળાયદર, જિ.ગંજામ, ઓરિસ્સા) અને રાહુલ દીલીપભાઈ સોનવણે(ઉ.વ.૨૦, રહે. સાયણ, નહેર કોલોની ૨૮ છાપરી) નાઓ રંગે હાથ ઝડપી લીધા હતા.

પોલીસે જુગારની બાજીમાંથી તેમજ અંગજડતીમાંથી રોકડા રૃ. ૧૦૨૩૦, સાત મોબાઈલ ફોન રૃ. ૯૩૦૦, ત્રણ બાઈક અને એક ઓટોરીક્ષા કિંમત રૃ. ૧,૧૦,૦૦૦ મળી કુલ રૃ. ૧,૨૯,૫૩૦ નો મુદ્દામાલ કબ્જે કર્યો હતો. પોલીસે સાતેય શખ્સની પુછતાછ કરતા બળવંત ઉર્ફે માંજરો સુરેશભાઈ ઠાકોર(રહે-સાયણ નહેર કોલોની) પત્તાપાનાનો હારજીતનો જુગાર રમાડતો હતો અને પોલીસ આવતા ભાગી ગયો હોવાની કબુલાત કરતા પોલીસે બળવંત માંજરાને વોન્ટેડ જાહેર કરી જુગારધારા કલમ ૪.૫ મુજબ ગુનો નોંધી આગળની કાર્યવાહી હાથ ધરી છે.

(6:39 pm IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • મધ્યપ્રદેશમાં પણ ભારે વરસાદ સાથે બરફના કરા વરસ્યા : વીજળી ત્રાટકતા ૪ના મોત, ૭ ઘાયલ : ભોપાલ - ગ્વાલિયર - નરસિંહપુર, ડબરાભીંડ અને ઓચ્છામાં વરસાદઃ ભારે વરસાદ સાથે બરફના કરાનો વરસાદઃ ખેડૂતો ભારે ચિંતામાં access_time 12:36 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST