Gujarati News

Gujarati News

News of Tuesday, 13th February 2018

ખેડા એલસીબીએ ચકલાસી-ભાલેજ નજીક એક બાઈક ચોરને ઝડપી બે ચોરીનો ભેદ ઉકેલ્યો

ખેડા:એલસીબી ખેડા પોલીસે ચકલાસી-ભાલેજ રોડ પરથી એક બાઈક ચોરને ઝડપી પાડીને બે બાઈક ચોરીનો ભેદ ઉકેલી નાંખ્યો છે.
એલસીબી ખેડા પોલીસને ચકલાસી ઓવરબ્રીજ ઉપર ભાલેજ ગામ તરફથી એક ઈસમ ચોરીના બાઈક સાથે આવતો હોવાની માહિતી મળી હતી. જેથી પોલીસે વોચ ગોઠવી હતી. આ દરમિયાન નંબર પ્લેટ વગરનું મોટરસાયકલ લઈને આવતા ઈસમને ઊભો રાખી તેની પાસે વાહનના કાગળો માંગતા મળી આવ્યા હતા તેમજ કોઈ જવાબ ન આપતાં તેની અટક કરી પૂછપરછ કરતા યુવરાજસિંહ ઉર્ફે ઉલીયો વિક્રમસિંહ મહિડા (રહે. નટવરનગર, નવી કોલોની, તા. સાવલી, જિ. વડોદરા) હોવાનું જણાવ્યું હતું. આ ઈસમની ઘનિષ્ઠ પૂછપરછ કરતા આજથી ત્રણેક મહિના પહેલાં ગોઠડા મેળામાંથી બાઈક ચાવી સાથે ચોરી કર્યાની કબૂલાત કરી હતી. આ અંગે સાવલી પોલીસ સ્ટેશનમાં ગુનો નોંધાયો છે તેમજ આ આરોપીએ આશરે વીસેક દિવસ પહેલાં પોતે મંજુસર ખાતેથી પણ એક મોટરસાયકલ ચોરી કર્યાનું જણાવ્યું હતું. જેથી એલસીબી પોલીસે અન્ય એક મોટરસાયકલ કબજે કર્યું હતું. આમ એલસીબી ખેડા પોલીસે વાહનચોરીના બે ગુનાનો ભેદ ઉકેલ્યો છે.

(6:37 pm IST)
  • કચ્છના દરિયામાંથી વધુ એક પાકિસ્તાની બોટ ઝબ્બેઃ ભારતીય જળ સીમામાંથી પાકિસ્તાનના ૭ માછીમારો સાથે અલ હિલાલ નામની પાકિસ્તાની બોટ કોસ્ટગાર્ડે લીધી છે access_time 3:42 pm IST

  • આલેલે!! વસુંધરાએ બોલેલું ફેરવી તોળ્યુ!! : ''અભી બોલો અભી ફોક'' : ગઈકાલે બજેટમાં ખેડૂતોના ૮ હજાર કરોડના દેવા માફ કરવાની જોગવાઈનો અમલ થશે જ તેવી કોઈ ગેરંટી નથી : જુદી જુદી જોગવાઈઓના સંપૂર્ણ અમલમાંથી રાજસ્થાનના મુખ્યમંત્રી શ્રીમતી વસુંધરા રાજેની પીછેહટ access_time 4:16 pm IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST