Gujarati News

Gujarati News

News of Tuesday, 13th February 2018

સુરતમાં દારૂના અડ્ડાનો વિડીયો વાયરલઃ પોલીસનો દરોડો : PSI સહિત ૩ સસ્પેન્ડ

પોલીસ ચોકી પાછળ ધાબામાં દારૂના અડ્ડાના વિડીયો બાદ દરોડામાં બુટલેગર ઝડપાયો

સુરત, તા.૧૩: રાજયમાં દારૂબંધી હોવા છતાં વારંવાર દારૂનો જથ્થો ઝડપાતો હોય છે  બેરોકટોક વેચાણ અને પીધેલા પકડાતા હોય છે અનેકવાર દારૂના જથ્થા સાથે કેટલાક શખ્શોને ઝડપી લેવાતા હોય છે ત્યારે સુરતમાં લોકોની જાગૃતિને કારણે પોલીસ ચોકીની નજીકમાં ચાલતા દારૂના અડ્ડાનો વિડિયો વાયરલ કર્યા બાદ પોલીસ કમિશનરે આદેશ અપાતા સ્થાનિક પોલીસે દરોડો પાડીને બુટલેગરને ઝડપી લીધો છે

જાણવા મળ્યા મુજબ સુરતમાં લાભેશ્વર પોલીસ ચોકી પાસે દારૂનો અડ્ડો ચાલતો હતો.આ દારૂના અડ્ડાનો વીડિયો વાયરલ થતા પોલીસ એકશનમાં આવી હતી પોલીસ ચોકીની પાછળ ધાબા પર દારૂનો અડ્ડો ચલાવવામાં આવતો હતો દારૂના અડ્ડાનો વીડિયો વાયરલ થતા પોલીસ કમિશ્નર દ્વારા કાર્યવાહી કરવામાં હતી .

પોલીસ કમિશ્નર દ્વારા વરાછા પોલીસને આદેશ આપતા સ્થાનિક પોલીસે ધમધમતા દારૂના અડ્ડા પર દરોડા પાડીને પોલીસે બુટલેગર નારાયણ શાહની ધરપકડ કરી છે.પોલીસ ચોકી પાસે દારૂનો અડ્ડો ચલાવવામાં આવતો હતો.તેમ છતા પોલીસ દ્વારા અત્યાર સુધી કાર્યવાહી કરવામાં આવી નથી તે સ્થાનિકોમાં ચર્ચાનું કેન્દ્ર બન્યો હતો.

આખરે ડીસીપીએ સમગ્ર મામલે આકરા પગલાં લેતા પીએસઆઈ સહિત ત્રણ કર્મચારીઓને સસ્પેન્ડ કર્યા હતાં .(૩૭.૨)

(11:42 am IST)
  • પાઘડીના શણગારથી ઝળહળી ઊઠ્યા શ્રી સોમનાથ મહાદેવ - કરો મહાદેવના પાઘડી દર્શન : મહાશિવરાત્રિ નિમિત્તે પ્રથમ જ્યોતિર્લિંગ સોમનાથમાં ભાવિકોનો અદ્ભૂત ધસારો જોવા મળ્યો છે. સોમનાથ મંદિરમાં મહાદેવને અનેક જાતના શણગાર કરવામાં આવ્યાં હતાં. જેમાં પાઘડીના શણગારથી મહાદેવની શોભામાં અભિવૃદ્ધિ થઇ હતી. access_time 11:50 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • મહિસાગરમાં જિલ્લામાં અનેક ખેડૂતો સાથે ૧૫ કરોડની છેતરપીંડી કરનાર કંપનીના સીઈઓ અને એમડીની પોલીસે ધરપકડ કરી access_time 3:42 pm IST