Gujarati News

Gujarati News

News of Tuesday, 13th February 2018

વલસાડના ભિલાડ તાલુકાના સરી ગામમાં જ્વેલર્સની દુકાનમાં લૂંટ કરનારા ૨ ઝડપાયાઃ રિમાન્ડની તજવીજ

વલસાડઃ વલસાડના ભિલાડના સરી ગામમાં સોના-ચાંદીની દુકાનને નિશાન બનાવીને લૂંટ ચલાવનારા ૨ શખ્સોને પોલીસે ઝડપી લઇને પૂછપરછ હાથ ધરી છે.

ભિલાડના સરી ગામમાં સોના-ચાંદીની દુકાનમાં લૂંટારૂઓએ ધોળા દિવસે ઘાતક હથિયારો સાથે લૂંટ ચલાવી ત્રણ ઇસમોને ઘાયલ કરી ભાગી છૂટ્યા હતા. આ ચકચારી લૂંટ પ્રકરણમાં વલસાડ પોલીસે લૂંટારૂઓને ઝડપી પાડી લૂંટનો ભેદ ઉકેલી નાખ્યો છે.

ભિલાડના સરી ગામના મેઇન બજારમાં પુજા જ્વેલર્સ નામની સોની કામની દુકાન આવેલી છે. સોના ચાંદીના દાગીનાનો વેપાર કરતા નારાયણલાલ તેજારામ કુંભારની દુકાનમાં ગ્રાહકના સ્વાંગમાં બે ઇસમો આવ્યો હતા. તેમણે થેલામાં રાખેલા ચપ્પુ તથા મોટો છરો કાઢીને ધમકી આપી હતી કે, 'ચૂપચાપ માલ નીકાલ કે દે દે' જેથી દુકાનમાં શો કેસમાં રાખેલા સોના ચાંદીના દાગીના તેઓને આપી દેતા થેલામાં મૂકી દુકાનની બહાર જતા હતા. ત્યારબાદ નારાયણલાલે બૂમ પાડતા ઇસમે છરો મારી હાથે ઇજા કરી હતી. લૂંટારા નાસવા લાગતા બૂમાબૂમ કરતા રાહદારીઓ તથા આજુબાજુના દુકાનવાળાઓ ભેગા થઇ જતા તેમાંના બે લોકોએ પણ છરીના ઘા મારી ફરાર થઇ ગયા હતાં.

આ આરોપીઓને સીસીટીવી અને ગાડી નંબરના આધારે મુંબઇથી પકડી પાડ્યા હતા. આ એક એવી ગેંગ છે જે વોચ કરીને લૂંટ કરે છે. આ ગેંગના બીજા સાથીઓને પકડવાના બાકી હોવાનું પોલીસ સૂત્રોએ જણાવ્યું હતું.

પોલીસે તપાસ કરતા મુંબઇ પનવેલ ખાતે રહેતા જમીલ મહમદ કુરેશી તથા તેના પુત્ર સોહેલ તથા તેના પુત્રોના મિત્રો મયુર ઉર્ફે મેક રવિભાઇ આચાર તથા અન્ના નામનો ઇસમ ભેગા મળી મહારાષ્ટ્ર બોર્ડરથી નજીકમાં ગુજરાત સરી ગામ ખાતે જ્વેલર્સની દુકાનમાં લૂંટ કરી હોવાનું જણાતા પોલીસે બન્નેની ધરપકડ કરી હતી. પોલીસ તપાસમાં આ ગેંગે તે જ દિવસે વાપી, ભિલાડ, સરી ગામની ત્રણ ચાર જ્વેલર્સની દુકાનમાં લૂંટ કરવાનો પ્લાન બનાવ્યો હતો. પરંતુ તેમાં તેઓ સફળ થઇ શકયા નહોતા.

આ ચકચારી લૂંટ અંગે પોલીસે ટીમો બનાવી મહારાષ્ટ્રમાં મુંબઇ તથા પનવેલમાં જુદી-જુદી જગ્યાઓએ ખાનગી વોચ રાખી ઉપરોકત બન્ને આરોપીઓને ઝડપી લીધા હતા. આરોપીઓના પોલીસ કસ્ટડી રિમાન્ડ મેળવી આ ગુનામાં સંડોવાયેલ અન્ય આરોપીઓને પકડવા ચક્રો ગતિમાન કર્યા છે.

(5:55 pm IST)
  • પાઘડીના શણગારથી ઝળહળી ઊઠ્યા શ્રી સોમનાથ મહાદેવ - કરો મહાદેવના પાઘડી દર્શન : મહાશિવરાત્રિ નિમિત્તે પ્રથમ જ્યોતિર્લિંગ સોમનાથમાં ભાવિકોનો અદ્ભૂત ધસારો જોવા મળ્યો છે. સોમનાથ મંદિરમાં મહાદેવને અનેક જાતના શણગાર કરવામાં આવ્યાં હતાં. જેમાં પાઘડીના શણગારથી મહાદેવની શોભામાં અભિવૃદ્ધિ થઇ હતી. access_time 11:50 pm IST

  • મહિસાગરમાં જિલ્લામાં અનેક ખેડૂતો સાથે ૧૫ કરોડની છેતરપીંડી કરનાર કંપનીના સીઈઓ અને એમડીની પોલીસે ધરપકડ કરી access_time 3:42 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST