Gujarati News

Gujarati News

News of Tuesday, 13th February 2018

ગાંધીનગરમાં નીલગાય સચિવાલય સુધી પહોંચી ગઇઃ ડસ્ટબીનમાં માથુ ફસાતા ફાયર બ્રિગેડ ટીમને બોલાવવી પડી

ગાંધીનગરઃ ગાંધીનગર સચિવાલય સુધી નીલગાય પહોંચી ગયા બાદ ડસ્ટબીનમાં કોઇ ખોરાકની શોધમાં માથુ નાખતા તેનું માથુ ફસાઇ જતા ફાયરબ્રિગેડ ટીમને બોલાવવી પડી હતી અને સહી સલામત માથુ બહાર કાઢ્યુ હતું.

પ્રાપ્ત માહિતી મુજબ સચિવાલય ગેટ નંબર ૧ની પાસે સવારે ડસ્ટબીનમાં નીલગાયનું માથુ ફસાઇ ગયું હતું. ફાયરબ્રિગેડની મહામહેનતથી આખરે નીલગાયનું માથું બહાર કાઢવામાં આવ્યું હતું.

ગાંધીનગર સચિવાલયમાં નીલગાય આવી જવાના અને અવારનવાર રોડ ઉપર પણ નીલગાય આવી જવાના કિસ્સા છે. ઘણી વાર તો ગંભીર અકસ્માતો પણ બન્યા છે. સૌરાષ્ટ્ર સહિત ગુજરાતમાં ઘણા ગામડાઓમાં નીલગાયના ત્રાસને કારણે ખેડૂતોને અસંખ્ય વાર ઊભા પાકમાં નુકશાની ભોગવવી પડતી હોય છે. ખેડૂતો ઘણીવાર રાતભર જાગીને નીલગાય ખેતરમાં ઉગેલા પાકને નુકશાન ન કરે તેની તકેદારી રાખતા હોય છે. ઘણા રોડ પર નીલગાયને કારણે થયેલા અકસ્માતમાં પણ લોકોએ ગંભીર ઇજાનો ભોગ બનવું પડતું હોય છે, તો ઘણીવાર સ્વજનને ગુમાવવાનો વારો પણ આવે છે.

(5:54 pm IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • મુંબઈ :લેન્ડ કરતી વેળાએ બેન્કોક-મુંબઈ ફ્લાઈટનું ટાયર ફાટ્યું :તમામ મુસાફરો સલામત access_time 9:42 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST