Gujarati News

Gujarati News

News of Sunday, 13th January 2019

અમદાવાદ-રાજકોટ હાઇવે પર ચાંગોદર પાસે બસ અને ડમ્‍પર વચ્‍ચે ગંભીર અકસ્‍માત: પેસેન્‍જરોને ઇજા

અમદાવાદ: અમદાવાદ-રાજકોટ નેશનલ હાઈવે પર બાવળા નજીક ગત મોડી રાત્રે પટેલ ટ્રાવેલ્સની લકઝરી બસ અને ડમ્પર વચ્ચે અકસ્માત સર્જાયો હતો, જેમાં ૧પ મુસાફરોને નાની-મોટી ઈજા થઇ હતી. ડમ્પર સાથે બસ અથડાયા બાદ વેર હાઉસની દીવાલ સાથે અથડાયું હતું. મોડી રાતે થયેલા અકસ્માતમાં તમામ લોકોનો ચમત્કા‌િરક બચાવ થયો છે. લકઝરી બસ અમદાવાદથી વેરાવળ જતી હતી.

મોડી રાતે અમદાવાદથી પટેલ ટ્રાવેલ્સની લકઝરી બસ વેરાવળ જવા માટે નીકળી હતી. બસ સરખેજથી બાવળા તરફ પુરઝડપે જઇ રહી હતી ત્યારે ચાંગોદર પાસે એક ડમ્પર સાથે તેનો અકસ્માત સર્જાયો હતો. બસની સ્પીડ એટલી વધારે હતી કે ડ્રાઈવરે ‌સ્‍ટીયરીંગ પરથી કાબૂ ગુમાવતાં દીવાલ સાથે અથડાઇ હતી. ડમ્પર સાથે અથડાતાંની સાથે જ બસ દીવાલ સાથે અથડાઇ હતી. મોડી રાતે થયેલા આ અકસ્માતથી પેસેન્જરોમાં બૂમાબૂમ મચી ગઇ હતી. આ ઘટનામાં બસના ડ્રાઇવર સહિત કુલ ૧પ લોકોને નાની-મોટી ઇજા પહોંચી હતી, જેમને ૧૦૮ ઇમર્જન્સી એમ્બ્યુલન્સ મારફતે સારવાર અર્થે હોસ્પિટલમાં ખસેડવામાં આવ્યા હતા.

(12:13 pm IST)
  • અમદાવાદ બાવળા રોડ પર ફાયરીંગમાં બે વ્‍યકિતના મોત જમીન પ્રશ્‍ન થયું ફાયરીંગ : બંનેના મૃતદેહ હોસ્‍પિટલમાં ખસેડાયા : ઘટના સ્‍થળે પોલીસ દોડી ગઇ : તપાસનો ધમધમાટ access_time 3:32 pm IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • કર્ણાટકમાં ભાજપનું 'ઓપરેશન લોટ્સ ' કર્નાટકના મંત્રી ડી કે. શિવકુમારે કહ્યું કે રાજ્યની ગઠબંધન (કોંગ્રેસ- જેડીએસ) સરકારને હટાવવા માટે ભાજપનું ‘ઓપરેશન લોટસ’ ચાલી રહ્યું છે.:તેમણે આરોપ લગાવ્યો છે કે કોંગ્રેસના ત્રણ ધારાસભ્ય મુંબઇની એક હોટલમાં ભાજપના કેટલાક નેતાઓ સાથે છે. access_time 1:38 am IST