Gujarati News

Gujarati News

News of Saturday, 13th January 2018

બોરસદના સિસ્વામાં પોલીસથી બચવા ભાગેલ યુવાન કાંસમાં પડતા મોતને મોમાં ધકેલાયો

બોરસદ: તાલુકાના સીસ્વા ગામે ગઈકાલે સાંજના સુમારે જુગારની રેઈડ દરમ્યાન પોલીસથી બચવા માટે ભાગેલો યુવાન કાંસમાં પડ્યો હતો જ્યાં તેનું ઠંડીમાં ઠુંઠવાઈ જવાથી મોત થતાં ગામમાં ઘેરા શોકની લાગણી પ્રસરી જવા પામી છે.આ અંગે પોલીસે જુગારધારા અને અકસ્માતે મોત એમ બે અલગ-અલગ ગુનાઓ દાખલ કરીને કાર્યવાહી હાથ ઘરી છે.

 


પ્રાપ્ત વિગતો અનુસાર ગઈકાલે સાંજના સુમારે ભાદરણ પોલીસને હકિકત મળી હતી કે, રબારી ચકલા પાસે કેટલાક ઈસમો લાઈટના અજવાળે પત્તા પાનાનો હારજીતનો જુગાર રમી રહ્યા છે જેથી પોલીસે છાપો મારતાં બાબુભાઈ શનાભાઈ સોલંકી નામનો ૩૫ વર્ષીય યુવાન પોલીસની બીકે ભાગવા જતાં કાંસમાં પડ્યો હતો. જે બહાર નીકળી શક્યો નહોતો અને ઠંડીમાં ઠુંઠવાઈ જવાને કારણે મોતને ભેટ્યો હતો. સવારે તેની લાશ કાંસમાંથી મળી આવી હતી.

બીજી તરફ ભાદરણ પોલીસે સ્થળ પરથી ૪૧૦૭ની રોકડ રકમ સાથે રણજીતભાઈ જગદીશભાઈ રાવળ, રાજુભાઈ અંબાલાલ પરમાર, સંજયભાઈ રમણભાઈ સોલંકી, ઠાકોરભાઈ શનાભાઈ સોલંકી તથા સુરેશભાઈ આશાભાઈ સોલંકી ઝડપાઈ જવા પામ્યા હતા, તેમની વિરૂધ્ધ જુગાર ધારાની જુદી-જુદી કલમો હેઠળ ગુનો દાખલ કરીને કાર્યવાહી હાથ ઘરી છે.

(5:34 pm IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • અમદાવાદમાં મોડી રાત્રે ૧૧ બાઈકો સળગાવવામાં આવી: અમદાવાદના સરદારનગર વિસ્તારમાં મોડી રાત્રે ૧૧ બાઈકો સળગાવવામાં આવ્યા : સીતારામ ચોક પાસે બન્યો બનાવ : સરદારનગર પોલીસે ગુનો નોંધી વધુ તપાસ હાથ ધરી access_time 11:44 am IST

  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 11:57 am IST