Gujarati News

Gujarati News

News of Saturday, 13th January 2018

ખંભાત તાલુકાના નેજા વળાંક નજીક એસટીની

ટક્કરે દંપતીનું ઘટનાસ્થળેજ મોત

ખંભાત:તાલુકાના નેજા ગામના વણાંક પાસે આજે પુરપાટ ઝડપે જતી એક એસટી બસે બાઈકને ટક્કર મારતાં દંપતીનું ઘટનાસ્થળે જ કરૂણ મોત નીપજ્યું હતુ. આ અંગે ખંભાત રૂરલ પોલીસે એસટી બસના ચાલક વિરૂધ્ધ ગુનો દાખલ કરીને તપાસ હાથ ઘરી છે.

અકસ્માતની મળતી વિગતો અનુસાર તારાપુર તલાટીની ખડકી ખાતે રહેતા વિશાલભાઈ દિનેશભાઈ શાહ તથા તેમના પત્ની વિકિતાબેન આજે એકાદ મહિના પહેલાં જ ખરીદેલ ડ્રીમ યુગા બાઈક લઈને ખંભાત પતંગો લેવા જઈ રહ્યા હતા. નેજા ગામના વણાંક પાસેથી પસાર થઈ રહ્યા હતા ત્યારે પુરપાટ ઝડપે આવી ચઢેલે ખંભાતથી અમદાવાદ તરફ જઈ રહેલી એસટી બસ નંબર જીજે-૧૮, વાય-૨૫૯૦એ ટક્કર મારતાં બન્ને જણાં રોડ ઉપર ફંગોળાયા હતા જેમાં માથામાં તથા શરીરના અન્ય ભાગોએ ગંભીર ઈજાઓ થતાં તેમને તુરંત જ સારવાર માટે ખંભાતની એક હોસ્પિટલમાં લઈ જવામાં આવ્યા હતા જ્યાં ફરજ પરના તબીબે મૃત જાહેર કર્યા હતા. અકસ્માતને કારણે નવા નક્કોર બાઈકનો પણ ભુક્કો બોલી જવા પામ્યો હતો. આ અંગે ભાવીકકુમાર શાહની ફરિયાદને આધારે ખંભાત રૂરલ પોલીસે એસટી બસના ચાલક વિરૂધ્ધ ગુનો દાખલ કર્યો હતો.

(5:34 pm IST)
  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • જમ્મુ - કાશ્મીર : શ્રીનગરના HMT વિસ્તારમાંથી IED મળી આવ્યુ : સેના દ્વારા અવંતા ભવન તથા આસપાસમાં તપાસ ચાલુ કરી : બોંબ ડીસ્પોઝેબલ સ્કોડ ઘટના સ્થળે access_time 12:51 pm IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST