Gujarati News

Gujarati News

News of Saturday, 13th January 2018

સુરતઃ તિરૂપતિ સાડીના માલીક આનંદ સુરેકાનું ટ્રક હડફેટે કમકમાટીભર્યું મોત

ઘટના સ્થળે જ મોતથી ભારે અરેરાટીઃ કાપડના વેપારીઓમાં ઘેરોશોક

રાજકોટ તા. ૧૩ : સુરતમાં કાપડના ટોચના વેપારીનું ટ્રક હડફેટે કરૂણ મોત નિપજતા કાપડ ઉદ્યોગમાં ઘેરો શોક છવાયો છે.

તિરૂપતિ સાડીના માલિક આનંદ નવલ સુરેકા (૪૦) આભવાથી પરત ફરતા હતા ત્યારે અજાણ્યા ટ્રક ચાલકે તેમને ઉડાવી દેતા ઘટના સ્થળે જ મોત નિપજયુ છે. ટ્રક ડ્રાઇવર નાસી છૂટ્યો હતો.

તિરૂપતિ સાડીના માલિક આનંદ નવલ સુરેકા પોતાના નિવાસસ્થાન સૂર્યા પેલેસ, સીટી લાઇટ રોડથી નીકળીને કામ માટે આભવા ગઇકાલે સાંજના સુમારે ગયા હતા. પોતાની ગાડી મારફતે આભવા ગયા બાદ તેઓ સાંજના ૮ કલાકે પરત ફરી રહ્યા હતા. વેસુ સિધ્ધિ વિનાયક મંદિર પાસે પોતાનું વાહન પાર્ક કરીને રસ્તો પસાર કરતા હતા ત્યારે ટ્રક ચાલકે તેઓને અડફેટે લીધા હતા. ટ્રક ચાલક આનંદ નવલ સુરેકાને અડફેટે લીધા બાદ ત્યાંથી ભાગી છુટયો હતો. આનંદભાઇનું બનાવની સ્થળે જ મોત નિપજયુ હતુ.

અકસ્માતમાં શરીરના બે ટુકડા થઇ ગયા હતા. બોડીને પોસ્ટમોર્ટમ માટે સિવિલ હોસ્પિટલ ખાતે લઇ જવાઇ હતી. બનાવની જાણ ડુમસ પોલીસ મથકમાં કરવામાં આવતા પીઆઇ સહિતનો સ્ટાફ બનાવની જગ્યાએ પહોંચી ગયો હતો.

આ અંગે ડુમસ પોલીસ મથકના પોલીસ ઇન્સપેકટર વી.એમ. મકવાણાએ તપાસ હાથ ધરી છે. ઘટનાની જાણ થતાકાપડના વેપારીઓ મોટી સંખ્યામાં સિવિલ ખાતે પહોંચી ગયા હતા.(૨૧.૨૬)

(4:05 pm IST)
  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • સુરતમાં વાનમાં આગ લાગ્યા બાદ ટ્રાફિક પોલીસ લાલઘુમ : સુરત ટ્રાફીક પોલીસે ત્રણ ટીમો બનાવી રીક્ષા અને વાનમાં ચેકીંગ હાથ ધયુ* : સ્કૂલ, રીક્ષા કે વાનમાં વધુ વિદ્યાર્થીઓ હોય તો તેમને દંડ અને ડીટેઈન કરવાની કામગીરી શરૂ access_time 2:44 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST