Gujarati News

Gujarati News

News of Saturday, 13th January 2018

અમદાવાદમાં કાંકરિયા ફૂટબોલ મેદાનની પતંગ બજારમાં આગ લાગતા દોડધામ

અમદાવાદ, તા. ૧૩ :  અમદાવાદનાં કાંકરિયા ફૂટબોલ મેદાનમાં આવેલ પતંગ બજારમાં આગ લાગતા દોડધામ મચી ગઇ હતી. જો કે કોઇ જાનહાની થઇ ન હતી.

 

અમદાવાદના કાંકરિયા ફૂટબોલ મેદાન ખાતે પતંગની દુકાનોમાં અચાનક આગ ફાટી નીકળતા પતંગની ખરીદી કરવા નીકળેલા પતંગ રસિયાઓમાં ભય અને નાસભાગના દ્રશ્યો સર્જાયા હતા. જ્યારે એક દુકાનમાં આગ લાગ્યા બાદ આગ વધુ ફેલાઈ આશરે પાંચ દુકાનોમાં આગે પોતાનું રુદ્ર બતાવી તમામ પાંચ દુકાનોને ભસ્મીભૂત કરી નાખી હતી. જોકે, આગ લાગવાનું કોઈ કારણ બહાર આવ્યું નથી. ફાયર બ્રિગેડે આગ પર કાબૂ મેળવીને પરિસ્થિતિને વધુ વિકટ બનતા અટકાવી દીધી છે. એક વાત ચોક્કસ છે કે તંત્રની બેદરકારીને ભલે ચર્ચા થાય પરંતુ ફાયર બ્રિગેડ તેની કામગીરી એટલી સતર્કતાથી નિભાવે છે જે શહેરની જનતા માટે ખૂબ સહાયક બની રહે છે. આગની ઘટનાથી લોકોમાં ભારે ગભરાટ ફેલાઇ ગયો હતો.

(1:56 pm IST)
  • મુંબઇથી ઉપડેલું હેલિકોપ્ટર થયું ગુમ : ઓએનજીસીના કર્મચારીઓ સહિત 7 લોકો તેમાં હતા સવાર : હેલિકોપ્ટર સવારે 10.20 કલાકે ઉડ્યું હતું, જે ઓએનજીસીના ઉત્તરીય વિસ્તારમાં 10.58 કલાકે પહોંચવાનું હતું, પરંતુ 10.30 વાગ્યા પછી તેના કોઈ સિગ્નલ મળ્યા નથી. access_time 1:31 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • જમ્મુ - કાશ્મીર : શ્રીનગરના HMT વિસ્તારમાંથી IED મળી આવ્યુ : સેના દ્વારા અવંતા ભવન તથા આસપાસમાં તપાસ ચાલુ કરી : બોંબ ડીસ્પોઝેબલ સ્કોડ ઘટના સ્થળે access_time 12:51 pm IST