Gujarati News

Gujarati News

News of Tuesday, 12th November 2019

દાવલી નજીક ટ્રક-રીક્ષા વચ્ચે અકસ્માત : ૪ લોકોના મોત

અરવલ્લીના મોડાસા તાલુકાના બનાવને લઇ ચકચાર : ટ્રકની ટક્કરથી રિક્શાનો ભુક્કો બોલી ગયો : ગંભીર રીતે ઘાયલ અન્ય ત્રણને હોસ્પિટલમાં સારવાર હેઠળ ખસેડાયા

અમદાવાદ, તા.૧૨ : અરવલ્લીના જિલ્લાના મોડાસાના દાવલી પાટીયા નજીક ટ્રક અને રીક્ષા વચ્ચે સર્જાયેલા ગમખ્વાર અકસ્માતમાં ચાર લોકોના ઘટનાસ્થળે જ કરૂણ મોત નીપજયા હતા, જયારે અન્ય ત્રણ લોકોને ગંભીર ઇજા પહોંચી હતી. અકસ્માત એટલો જોરદાર હતો કે, ટ્રકની ટક્કરથી રીક્ષાનો ભુક્કો બોલી ગયો હતો અને મોટાભાગના લોકો ત્યાં જ મોતને ભેટયા હતા. આ બનાવને લઇ સમગ્ર વિસ્તારમાં ભારે ચકચાર મચી ગઇ હતી અને એકસાથે ચાર લોકોના મોતને લઇ ભારે અરેરાટીની લાગણી પ્રસરી ગઇ હતી. બીજીબાજુ, પોલીસે બનાવની જાણ થતાં તાત્કાલિક ઘટનાસ્થળે પહોંચી વધુ તપાસ હાથ ધરી હતી. તો, ઇજાગ્રસ્તોને પણ તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. આ અંગે પ્રાપ્ત માહિતી મુજબ, અરવલ્લી જિલ્લાના મોડાસા તાલુકાના દાવલી પાટિયા નજીક આજે પૂરપાટઝડપે માંતેલા સાંઢની જેમ આવી રહેલી એક મોટી ટ્રકે નાનકડી રીક્ષાને હડફેટે લઇ લીધી હતી અને ટ્રક-રીક્ષા વચ્ચે જોરદાર ગમખ્વાર અક્સ્માત સર્જાયો હતો.

               જેમાં ઘટનાસ્થળે જ ચાર વ્યકિતના કરૂણ મોત નીપજયા હતા. જયારે અન્ય ત્રણ લોકોને ગંભીર ઇજાઓ પહોંચી હતી. મૃતકોમાં મહિલા, બાળકોનો પણ સમાવેશ થાય છે, જેને લઇ સમગ્ર વિસ્તારમાં ભારે અરેરાટીની લાગણી પ્રસરી ગઇ હતી.  અકસ્માત થતાં લોકોના ટોળેટોળા ઘટનાસ્થળે ઉમટી પડયા હતા. જેને લઇ સમગ્ર રોડ પર ટ્રાફિક ચક્કાજામ થઇ ગયો હતો. અકસ્માત એટલો જોરદાર હતો કે, ટ્રકની ટકકરથી રીક્ષાનો તો જાણે ભુક્કો બોલી ગયો હતો, રીક્ષાના એકેય પાર્ટસ શોધ્યે ના જડે તેવી હાલત થઇ હતી. તેના કારણે જ ગંભીર ઇજાઓ થવાથી ઘટનાસ્થળે જ ચાર લોકોના મોત નીપજયા હતા. બનાવને પગલે સમગ્ર વિસ્તારમાં ભારે ચકચાર મચી ગઇ હતી.

(9:09 pm IST)
  • કાલે સુપ્રીમકોર્ટના ત્રણ મહત્વના ચુકાદા : પ્રથમ કર્ણાટકમાં 17 બળવાખોર ધારાસભ્યોને ગેરલાયક જાહેર કર્યા તે પગલું ખોટું હતું કે કેમ ? :સવારે 10-30 વાગ્યે ચુકાદો જાહેર થશે: આરટીઆઈના કાયદા હેઠળ ચીફ જસ્ટિઝ ઓફ ઇન્ડિયાની ઓફિસ આવે કે કેમ તે અંગે ચુકાદો બપોરે બે વાગ્યે સુપ્રીમકોર્ટ આપશે : 2017નો નાણાકીય ખરડો કે બંધારણીય રીતે કાયદેસર છે કે કેમ તેનો પણ ચુકાદો અપાશે access_time 9:58 pm IST

  • શિવસેના સાંસદ અને સામનાના સંજય રાઉત ઉપર તાકીદની એન્જીયોપ્લાસ્ટી કરવામાં આવી છે : તેમના હૃદયની બે નળી બ્લોક હતી, તેઓની તબિયત સ્ટેબલ એન સારી છે access_time 10:56 pm IST

  • ભાજપના સાત ધારાસભ્યો એનસીપીના સંપર્કમાં : મોટો રાજકીય વિસ્ફોટ : મહારાષ્ટ્રમા ભાજપના સાત ધારાસભાઓ એનસીપીના અજિત પવારના સંપર્કમાં હોવાનો મોટો રાજકીય વિસ્ફોટ :ભાજપમાંથી રાજીનામાં ફગાવશે તેવા મળતા સંકેતો : મહારાષ્ટ્રમાં સરકાર રચવા એનસીપી-કોંગ્રેસ વચ્ચે મસલતો : શિવસેના શું કરશે તે અકળ : ભાજપ પણ પ્લાન-2 સાથે નવો દાવ ખેલવા તૈયાર : ઝડપભેર રાષ્ટ્રપતિ શાસન તરફ ધકેલાતું મહારાષ્ટ્ર access_time 10:00 pm IST