Gujarati News

Gujarati News

News of Tuesday, 12th November 2019

દેવ દિવાળીએ વિરમગામનુ ઐતિહાસિક મુનસર તળાવ 1111 દિવડાઓથી ઝળહળી ઉઠ્યું

શ્રી મુનસરના વડલાવાળા મેલડી માતા મંદિરને રોશનીથી શણગારાયુ : વડલાવાળા મેલડી માતા મંદિર યુવક મંડળ દ્વારા 1111 દિવાઓ પ્રજ્વલિત કરાયા

વિરમગામ :  અમદાવાદ જીલ્લાના વિરમગામ શહેરમાં આવેલા ઐતિહાસિક મુનસર તળાવ ફરતે શ્રી મુનસરના વડલાવાળા મેલડી માતા મંદિર યુવક મંડળ દ્વારા દેવ દિવાળીના પાવન દિવસે 1111 દિવાઓ પ્રજ્વલિત કરવામાં આવ્યા હતા. દેવ દિવાળીએ 1111  દિવડાઓથી મુનસર તળાવ ઝળહળી ઉઠ્યું હતું.

  આ ઉપરાંત  શ્રી મુનસરના વડલાવાળા મેલડી માતા મંદિરને પણ રોશનીથી શણગારવામાં આવ્યું હતુ. દિવાની રોશની થી ઝળહળતા મુનસર તળાવ ને નિહાળવા શહેરીજનો ઉપરાંત બહારગામથી મોટી સંખ્યામાં લોકો  ઉમટી પડ્યા હતા. લોકોએ ઝળહળતા મુનસર તળાવની તસવીરો મોબાઇલમાં લીધી હતી.

  અત્રે ઉલ્લેખનીય છે કે આ ઐતિહાસિક મુનસર તળાવ ની ફરતે 360 થી વઘુ શિવલિંગ સ્થાપિત દેરીઓ (મંદિરો) હતી જ્યાં એક સાથે સાંકળ થી ઘંટનાદ થતો હતો. દરવર્ષે દેવદિવાળીના દિવસે મોડી સાંજે થી ઐતિહાસિક મુનસર તળાવ ફરતે દિવાઓ પ્રજ્વલિત કરવામાં આવે છે અને સમગ્ર વાતાવરણ આહલાદક બની જાય છે.

(8:49 pm IST)
  • કાશ્મીરના પુંચ જિલ્લામાં સરહદ પર પાકિસ્તાને ફરી તોપગોળાનો વરસાદ વરસાવ્યો છે : ભારતીય સેના બરાબર વળતો જવાબ આપી રહી છે access_time 10:06 pm IST

  • કાલે સુપ્રીમકોર્ટના ત્રણ મહત્વના ચુકાદા : પ્રથમ કર્ણાટકમાં 17 બળવાખોર ધારાસભ્યોને ગેરલાયક જાહેર કર્યા તે પગલું ખોટું હતું કે કેમ ? :સવારે 10-30 વાગ્યે ચુકાદો જાહેર થશે: આરટીઆઈના કાયદા હેઠળ ચીફ જસ્ટિઝ ઓફ ઇન્ડિયાની ઓફિસ આવે કે કેમ તે અંગે ચુકાદો બપોરે બે વાગ્યે સુપ્રીમકોર્ટ આપશે : 2017નો નાણાકીય ખરડો કે બંધારણીય રીતે કાયદેસર છે કે કેમ તેનો પણ ચુકાદો અપાશે access_time 9:58 pm IST

  • મહારાષ્ટ્રમાં પડદા પાછળ મોટી રાજરમત ખેલાઈ : ગઈકાલે શિવસેના અને એનસીપીની સરકાર માટે ટેકો આપતો લેટર નહીં આપવા શરદ પવારે ખુદ સોનિયા ગાંધીને કહ્યું હોવાનો મોટો ધડાકો થયો છે, એટલું જ નહીં પવારે ખુદ પોતે પણ ઠાકરેને પોતાનો સમર્થન લેટર આપ્યો ન હતો અનેઅ આજે રાજ્યપાલ પાસે સરકાર રચવા માટે વધુ સમય માંગવા દોડી ગયા હતા,આ સમગ્ર બાબત પડદા પાછળ ખેલાઈ રહેલ રાજરમત અંગે ઘણું કહી જાય છે તેમ જાણકારો કહે છે access_time 8:38 pm IST