Gujarati News

વડોદરા: શહેરમાં બાજપાઇ લોન યોજના હેઠળ ઓછા વ્યાજે લોન અપાવવાનું જણાવી ગરીબ વર્ગના લોકો પાસેથી સવા ત્રણ લાખ રૃપિયા પડાવી લેનાર આરોપીને કોર્ટે પાંચ વર્ષની સખત કેદ કરી છે. 

આ અંગેની વિગત એવી છે કે, રણોલી ગામમાં રહેતા ગરીબ વર્ગના લોકોને ઓછા વ્યાજની લોન બાજપાઇ યોજના હેઠળ અપાવવાનું જણાવીને ફરિયાદી મધુબેન ખોડાભાઇ ગોહિલ સહિત ૮ વ્યક્તિઓ પાસેથી ૩.૨૬ લાખ રૃપિયા પડાવી લીધા હતા. જે અંગે જવાહરનગર પોલીસ સ્ટેશનમાં અશોક રામગોપાલ ત્રિપાઠી (રહે. મંગલદીપ ગુજરાત હાઉસીંગ બોર્ડ ગોરવા) સહિત પાંચ આરોપી સામે છેતરપિંડી - વિશ્વાસઘાતની ફરિયાદ નોધાઇ હતી.