Gujarati News

Gujarati News

News of Friday, 12th October 2018

અમદાવાદ-વડોદરા હાઇવે પર સર્જાયેલ ગમખ્વાર અકસ્માતમાં ડ્રાઈવરનું કમકમાટી ભર્યું મોત

અમદાવાદ:અમદાવાદ-વડોદરા એક્સપ્રેસ વે પર ગમખ્વાર અકસ્માત સર્જાયો હતો.મુંબઈનો પરિવાર આ માર્ગ પરથી પસાર થઈ રહ્યો હતો. તે વેળા વાંઠવાડી ગામના પાટીયા પાસે ઈનોવા કાર નં એમ.એચ ૦૪ સીજે ૩૪૫૫નું પાછળનું ટાયર અચાનક ફાટી ગયુ હતું. 

કારનાં ડ્રાઈવરે સ્ટેરીંગ પરનો કાબુ ગુમાવી દીધો હતો. પુરઝડપે જતી ગાડીનું સંતુલન બગાડતા ગાડી ડીવાઈડર કુદાવી રોંગ સાઈડ જતી રહી હતી. અને ગાડી પલ્ટી ખાઈ ગઈ હતી.
આ ગાડીમાં બેઠેલા સુલતાનાબાનું હુસેન પડવેકર તથા મુમતાઝ અજીઝ અંસારીને સામાન્ય ઈજાઓ  થઈ હતી. જેમને ૧૦૮ એમ્બ્યુલન્સ દ્વારા નજીકના દવાખાનામાં સારવાર માટે લઈ જવાયા હતાં. તેમજ ગાડીના ડ્રાઈવર જૈશ રમઝાન અંસારી રહે. 
કામકાજ નગર, ઘાટકોપર રોડ, મુંબઈનાઓને ગંભીર ઈજાઓ થતાં તેનું ઘટનાસ્થળે જ કમકમાટી ભર્યુ મોત નિપજ્યુ હતું. આ અંગે પોલીસે અઝહરભાઈ  અફઝલભાઈ હુસેન રહે, ૫-૬ એ.બી.સી કોલોની,મુંબઈનાઓની ફરીયાદ નોંધી કાયદેસરની કાર્યવાહી હાથ ધરી છે.

 

(5:16 pm IST)
  • છેડતીના બનાવો રોકવા વડોદરામાં અનુપમસિંહ ગેહલોતનો નવતર પ્રયોગ : વડોદરા પોલીસ કમિશ્નર શ્રી અનુપમસિંહ ગેહલોતનું જાહેરનામુ મહિલા હોસ્ટેલ, શાળા-કોલેજ બહાર ઉભા રહેવા પર પ્રતિબંધઃ ૫૦ મીટરના વિસ્તારમાં ઉભા રહેવા પર પ્રતિબંધઃ કારણ વિના કોઇ પુરૂષ નહિ ઉભા રહી શકેઃ મહિલા છેડતીને રોકવા માટે બહાર પાડયુ જાહેરનામુ access_time 4:30 pm IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • આંતરાષ્ટ્રીય બજારમાં ૮'દિ ક્રુડના ભાવો બેરલ દીઠ ૫ ડોલર ઘટયાઃ ભારતમાં પેટ્રોલ-ડીઝલ સસ્તુ થવાને બદલે ૮'દિમાં ૨ રૂ. વધી ગયા :ફરી આજે પેટ્રોલમાં ૧ લીટરે ૧૨ પૈસા અને ડીઝલમાં ૨૮ પૈસાનો દિલ્હીમાં વધારોઃ મુંબઇમાં પેટ્રોલમાં ૧૨ અને ડીઝલમાં લીટરે ૨૯ પૈસા વધ્યા access_time 3:28 pm IST